SKÝRSLAN: Víkingar geta ekki hætt að vinna
Hvað réði úrslitum?
Seigla Víkinga var einfaldlega það sem kláraði leikinn. Þetta var langt frá því að vera frábær frammistaða en gæði í lykilmomentum klára þetta.
Bestu leikmenn
1. Daníel Hafsteinsson
Enginn sem stóð neitt áberandi upp úr en Daníel var heilt yfir gópur á miðjunni. Hann átti einnig mjög góðar spyrnur úr föstu leikatriðum Víkings.
2. Aron Snær friðriksson
Var mjög góður í markinu og Ögmundur mættur til að veita honum samkeppni í þokkabót. Varði nokkrum sinnum mjög örugglega og átti frábæra vörslu þegar Baldvin var nálægt því að skora úr afbragðsfæri.
Atvikið
Annað mark Víkings í leiknum er það sem vinnur þennan leik. Aron Elís var nýkominn inn á völlinn og skorar með skalla eins og honum einum er lagið.
Hvað þýða úrslitin?
Víkingar halda áfram að vinna og vinna og leit Sölva að sínum fyrsta Mjólkubikarstitli sem aðalþjálfari lifir. Skagamenn geta nú sett fullan fókus á að ná evrópusæti í deildinni sem hlýtur enn að vera markmiðið þeirra.
Vondur dagur
Gummi Tóta er tekinn út af í hálfleik eftir að hafa verið orðinn geldur á miðjunni, að sögn eigin þjálfara. Hann fær gult spjald og brýtur síðan strax aftur af sér og var heppinn að vera á vellinum er flautað var til hálfleiks en hann fékk ekki að snúa aftur á völlinn í þeim seinni.
Dómarinn - 6
Fínasta frammistaða hjá Gunnari sem spjaldaði víst vitlausan mann samkvæmt Lárusi og fær því sexu í einkunn.