Elías flautar þetta af. Sanngjarn sigur Þróttara í kvöld. Hann hafði hæglega getað orðið stærri.

Ég þakka fyrir mig, viðtöl og skýrsla á leiðinni.

HK með hættulegan bolta úr horni. Þórhallur í brasi við að koma honum frá. Barátta innan teigs en Þróttarar ná honum frá á endanum. Þarna hefðu þeir getað gert þetta að spennandi lokamínútum.

HK ingar búnir að taka mörg löng innköst í leiknum. Hefur sjaldnast endað í fínu færi. Þeir fengu núna langt innkast, horn og svo aftur langt innkast en Þórhallur gerir vel og handsamar knöttinn.

Einhvernveginn endar boltinn ekki í netinu. HK ná boltanum ekki úr teignum og skotin dynja í átt að marki. Örn Bragi tvisvar mjög nálægt því að skora. Taldi alls 4 skot frá Þrótturum.

HK fær hornspyrnu, Örn Bragi skallar frá og þeir fá innkast hinum megin frá. Aukaspyrna dæmd innan teigs og sóknin rennur út í sandinn.

Eftir langt innkast berst hann inn á Dominik sem hefði bara þurft að ná að pota boltanum inn en Þórhallur var fyrri til.

Magnús Þórðarson fær tíma fyrir utan teiginn og hann hleður í hörkuskot sem fer beint á Ólaf sem á í smá erfiðleikum með skotið.

Þórhallur reynir að kýla boltann frá, en hann fer beint upp í loftið en HK nær ekki að nýta sér það.

Aron Snær dæmdur brotlegur á Magnúsi sem var að koma inn á. Aukaspyrna á fyrirgjafarstað.

HK-ingar uppskera hornspyrnu.

Þróttarar hafa verið duglegir að taka stuttar hornspyrnur en hafa ekki skapað sér neitt sérstakt úr þeim. Brynjar Gautur nær skoti eftir seinna hornið en skotið slappt.

Dominik í þröngu skallafæri en setur hann framhjá. HK búnir að skapa sér meira í seinni heldur en þeir gerðu allan fyrri hálfleikinn.

Tumi með hörkuskot fyrir utan teig sem Þórhallur ver vel. Mjög vel gert. HK mögulega að komast inn í leikinn.

Þetta var mjög fljótt að gerast. Sending fyrir markið á Dominik en Eiríkur með frábæra tæklingu á síðustu stundu og HK fær horn.

Kári Kristjánsson með hörkuskot úr aukaspyrnunni sem Ólafur Örn ver mjög vel. Boltinn dettur fyrir Magnús sem setur hann yfir. Þarna munaði litlu.

Bullandi stemming, þétt setið og geggjað veður.

Þróttarar höfðu hæglega getað bætt við fleiri mörkum í fyrri hálfleik. HK hafa verið að vinna sér aðeins inn í leikinn.

Spennandi seinni hálfleikur framundan.

Brotið á Vilhjálmi og Þróttur fær aukaspyrnu. Taka hana stutt og þá er flautað til hálfleiks.

Veik köll Þróttara eftir víti en þeir fá hornspyrnu.

Fínasta spyrna, Aron nær einhvers konar sporðdrekaskoti en beint á Ólaf í markinu.

Fínasta spyrna og leikmenn detta hvor um annan, HK vill víti en Elías dæmir hornspyrnu. Sýndist það vera réttur dómur.

HK fær enn eina aukaspyrnuna á fínasta fyrirgjafa stað

Leit allt út fyrir að Þróttarar væru komnir í 2-0. Þróttarar búnir að fagna, en HK menn kvarta og markinu snúið við.

Ólafur Örn í miklu basli, sendir boltann beint á Magnús Örn sem rennur honum á Vilhjálm sem skorar í autt markið. HK ingar biðja um hendi og markinu snúið við 2 mínútum síðar, líklegast hárrétt.

Mjög slök sending, fer beint á skallann á eina manninum í varnarveggnum. HK fær þó hornspyrnu í framhaldi af því.

Þróttari með sendingu inn fyrir, Aron Snær kominn einn í gegn en Ólafur Örn ver mjög vel.

Aron Snær búinn að vera mjög sprækur í dag.

Barátta í teignum, HK ná ekki að hreinsa almennilega frá. Þróttarar fá aukaspyrnu í góðri fyrirgjafastöðu.

HK-ingum hefur aðeins tekist að klappa boltanum og tengja saman sendingar á síðustu mínútum.

Kári Kristjáns með aukaspyrnu á miðjum vallarhelming HK, hún kemur inn í teiginn en HK skallar út fyrir. Fyrsta hornspyrna leiksins.

Það kom ekkert úr henni.

Þróttur nánast búnir að vera í stanslausri sókn, það er eitt lið á vellinum í augnablikinu.

Langt innkast sem endar í fínu færi hjá D-boganum en skotið of laust, Þórhallur vel.

Vilhjálmur gerir vel, tekur snúning fyrir utan teig og reynir svo að skrúfa hann í fjærhornið en framhjá fer hann.

Þróttarar töluvert sterkari

Aron snær Ingason fær sendinguna í gegn, keyrir inn og sendir fyrir á Sigurð Egil sem skýtur yfir. 2 úrvalsfæri með skömmu millibili.

Sigurður Egill fær boltann óvaldaður inn í teig eftir fyrirgjöf og markmannsmistök, færið fullþröngt en hefði getað gert betur. Þetta hefur farið fjöruglega af stað.

Aron Kristófer í færi inn í teig, skotið framhjá

Farið af stað

Þróttarar sækja í átt að bílastæðinu, HK bláklæddir.

Liðin gengin inn á, léttir fundir og svo er þessu sparkað af stað.

Venni gerir tvær breytingar á byrjunarliðinu frá sigrinum gegn Fylki. Baldur Hannes Stefánsson og Aron Snær Ingason koma inn, Örn Bragi Hinriksson sem hefur verið sjóðheitur í sumar sest á bekkinn. Kolbeinn Nói Guðbergsson meiddist gegn Fylki og verður því ekki með í dag.

Gunnar gerir líka tvær breytingar á byrjunarliðinu frá sigrinum gegn Aftureldingu. Sigurður Gunnar Jónsson og Tumi Þorvarsson koma inn í liðið fyrir Hauk Leif Einarsson og Karl Ágúst Karlsson.

Það verður alvöru sumarstemming í Laugardalnum í kvöld. Eyfi hitar upp kl. 18:30 á vellinum svo það er um að gera að mæta tímanlega. Upphaflega ætlaði hann að spila á Ölver en það er varla hægt að spila inni í svona veðri.

Kristófer Ingi Kristinsson leikmaður Breiðabliks spáir í 9. umferðina. Hann spáir 2-0 sigri heimamanna hér í dag.

"Þróttarar spila heima og eru fullir sjálfstrausts eftir sigur á Fylki í síðasta leik. Þeir munu sigla þessu undir lok leiks."

Elías Ingi Árnason er með flautuna í kvöld. Honum til aðstoðar eru Ronnarong Wongmahadthai og Rögnvaldur Þ Höskuldsson. Gylfi Þór Orrason er dómaraeftirlitsmaður kvöldsins.

Þróttarar hafa átt í erfiðleikum með HK. Fyrri leikur liðanna fór 2-2 á Avis og 5-2 í Kórnum. Liðin mættust svo í undanúrslitum umspilanna fyrir Bestu deildina á síðustu leiktíð. Þar hafði HK betur, 4-3 sigur í Kórnum og 3-2 sigur í dalnum (7-5 samanlagt) áður en þeir töpuðu 4-0 gegn Keflavík á Laugardalsvelli.

Þróttarar sitja á toppi deildarinnar á markatölu, jafnir að stigum við Aftureldingu. HK er stigi á eftir í 3. sæti svo það má búast við alvöru leik og alvöru stemmingu.

Þróttur
Eftir tvö töp í röð gegn Afturelding og Gróttu hafa Þróttarar unnið Grindavík og sótt mjög sterkan útisigur gegn Fylki. Þeir leitast því eftir þriðja sigrinum í röð eins og þeir gerðu í fyrstu þremur umferðum sumarsins.
HK
HK - ingar unnu góðan heimasigur í Kórnum gegn Aftureldingu í síðustu umferð en þeir hafa verið höktandi í sumar. Þeir tengdu saman sigra í fyrstu tveimur umferðunum en hafa síðan þá skipst á að tapa og vinna. Það vantar því þennan stöðugleika í HK liðið en þeir koma líklega fullir sjálfstrausts inn í leikinn eftir sigurinn gegn Mosfellingunum.

Verið velkomin í beina textalýsingu frá Avis-vellinum í Laugardal þar sem Þróttur tekur á móti HK.


9. umferðin hefst í kvöld, það eru 5 leikir í vikunni en sá sjötti er spilaður eftir rúmar tvær vikur.

Föstudagur 12. júní
Þróttur - HK 19:15
Laugardagur 13. júní
Leiknir - Vestri 14:00
Völsungur - Njarðvík 14:00
Miðvikudagur 17. júní
Grindavík - Fylkir 14:00
ÍR - Grótta 14:00
Mánudagur 29. júní
Afturelding - Ægir 19:15