Tryggvi Guðmundsson @fotboltinet

- Meðalaldur 23 ár

- Meðalaldur 19 ár

Hvað réði úrslitum? FH konur voru auðvitað mun meira með boltann í leiknum og sóttu og sóttu. Eyjakonur skoruðu fyrstu tvö mörk sín úr skyndisóknum og síðasta upp úr aukaspyrnu. Það má með sanni segja að ÍBV hafi nýtt færin sín betur heldur en FH og það tryggði sigur þeirra. Bestu leikmenn 1. Guðný Geirsdóttir Var gífurlega öflug í markinu hjá ÍBV. Mjög örugg og vel staðsett. Hún átti svo nokkrar fínar vörslur inn á milli. Hefur staðið sig afar vel í síðustu leikjum. 2. Olga Sevcova Var í dálítið öðru hlutverki en við erum vön að sjá hana í, í þessum leik. Spilaði meira sem bakvörður en kantmaður og stal ótal sendingum FH inga. Les leikinn ótrúlega vel og var svo upp og niður kantinn allan leikinn. Atvikið Fyrirliði ÍBV, Avery Vanderven, hefði getað orðið skúrkur leiksins þegar hún misnotaði vítaspyrnu í byrjun framlengingar en endaði þess í stað á því að skora úrslitamark leiksins og var þar með hetjan.

Hvað þýða úrslitin? ÍBV er komið í undanúrslit Mjólkurbikarsins þetta árið og FH ingar fara með sárt ennið í herjólf. Vondur dagur Framherji FH, Nia Raisa Christopher, var alls ekki á sínum degi. Segir ýmislegt að aðal framherji liðsins er tekin útaf á 62. mínútu leiksins í stöðunni 2-1 fyrir ÍBV í bikarleik. Hélt varla bolta þegar hún fékk hann og virkaði einfaldlega áhugalaus á köflum. Dómarinn - 7 Nokkuð vel dæmdur leikur hjá Arnari Inga. Hefði kannski getað lyft gula spjaldinu í nokkrum atriðum en endaði í spjaldalausum leik. Tók annars góðar ákvarðanir á stórum augnablikum.

- Meðalaldur 23 ár

- Meðalaldur 18 ár