Sigurjón Árni Torfason @fotboltinet

- Meðalaldur 23 ár

- Meðalaldur 21 ár

Hvað réði úrslitum? Það sem réði úrslitum var fyrst og fremst að ÍR nýtti sín færi betur á lykilmómentum leiksins. Leikurinn var hins vegar mjög opinn og kaflaskiptur og hefði hæglega getað dottið báðum megin. Bæði lið sköpuðu sér fjölda færa og með betri nýtingu hefði leikurinn jafnvel getað endað 5–5. Bestu leikmenn 1. Ívan Óli Santos Ívan Óli Santos stal senunni í Breiðholtinu. Eftir rúmlega þriggja ára fjarveru frá keppnisleikjum í deild kom hann inn á og skoraði sigurmark leiksins. Þegar upp var staðið voru það hans gæði á lykilmómenti sem skildu liðin að og tryggðu ÍR dýrmæt þrjú stig. Endurkoma sem þessi á skilið maður leiksins. 2. Vilhelm Þráinn Sigurjónsson Stóð vel fyrir sínu í dag og var öruggur á milli stanganna. Hann fékk nóg að gera, varði nokkur góð skot og gat lítið sem ekkert gert í marki Gróttu. Á heildina litið mjög solid frammistaða og einn af betri mönnum ÍR í leiknum. Atvikið Atvik leiksins var án efa þegar Ívan Óli Santos kom inn á völlinn og skoraði sigurmark ÍR. Hann hafði ekki spilað keppnisleik í rúm þrjú ár, eða í 1.005 daga, en lét það ekki stoppa sig. Endurkoman var ævintýraleg og markið reyndist sigurmark leiksins og tryggði ÍR gríðarlega mikilvæg þrjú stig.

Hvað þýða úrslitin? Sigurinn var gríðarlega mikilvægur fyrir ÍR sem færa sig úr fallsæti upp í 9. sæti deildarinnar. Nú skilja þrjú stig þá frá Ægi og Grindavík á meðan aðeins tvö stig eru upp í Gróttu. Gestirnir halda 7. sætinu en mega ekki missa fókus, því bilið niður fyrir sig er farið að styttast. Vondur dagur Andri Freyr Jónasson fær þetta að þessu sinni. Hann komst ítrekað í góð færi og fékk nokkur dauðafæri til að skora, en tókst ekki að nýta neitt þeirra. Á degi þar sem leikurinn gat dottið báðum megin reyndist það dýrt fyrir Gróttu og það er sanngjarnt að gera kröfu um meiri nýtingu í svona leikum. Dómarinn - 7 Pétur Guðmundsson átti bara fínan leik. Þrátt fyrir smá stapp við Kristján Atla í fyrri hálfleik hélt hann góðri stjórn á leiknum og fór sjaldan eða aldrei út í neina vitleysu. Bara góður dagur hjá góðum dómara leiksins

- Meðalaldur 22 ár

- Meðalaldur 24 ár