Breiðablik er á leið í bikarúrslit, þar mætir liðið annað hvort Aftureldingu eða Fylki.

Hár bolti á Vatnhamar sem skallar fyrir á Svein Gísla og hann stangar boltann í netið af stuttu færi. Gunnar réttilega flaggaður rangstæður.

Víkingur fær hornspyrnu.

Víkingar í leit að jöfnunarmarki en Blikar þéttir.

Blikar fá hornspyrnu, boltinn á fjærsvæðið. Þar er Ívar Örn sem skallar beint í lúkurnar á Aroni Snæ.

Gabríel Snær keyrir að marki Víkings, ætlar að senda út í teiginn en boltinn í Danna Hafsteins og boltinn á leið í bláhornið. Þá stígur Aron Snær upp og ver frábærlega!

Danni Hafsteins með skot fyrir utan teig sem fer rétt framhjá marki Blika.

Kristófer Ingi liggur niðri og þarfnast aðhlynningar, leikurinn stopp. Blikar manni færri í mínútu þegar leikurinn fer aftur í gang.

Óskar Borgþórsson með lúmskan skalla af nærsvæðinu eftir hornspyrnu Víkings. Anton Ari þó fljótur niður og ver örugglega.

Helgi Guðjónsson með stórhættulega fyrirgjöf en enginn Víkingur á hættusvæðinu og Blikar hreinsa yfir eigið mark.

Róleg byrjun á þessum síðari hálfleik.

Blikar byrja með boltann.

Ívar Örn Árnason, varnarmaður Breiðabliks, sagði um 100% líkur á að það myndi sjóða upp úr í seinni hálfleik í viðtali við Gulla Jóns á Rúv í hálfleik. Ég vona í hið minnsta að Ívar reynist sannspár. Hér að neðan má sjá svipmyndir úr fyrri hálfleik en Hafliði Breiðfjörð er á vellinum vopnaður myndavél.

Bráðskemmtilegum fyrri hálfleik lokið þó svo að staðan sé enn markalaus. Mikið jafnræði meðal liðanna, vonandi fáum við enn meiri skemmtun í þeim síðari!

Keyra hratt upp völlinn, boltinn berst á Óskar Borgþórs sem á skot sem fer af varnarmanni og þaðan framhjá markinu. Víkingar fá hornspyrnu sem ekkert kemur upp úr.

Davíð Ingvars með hættulega fyrirgjöf á Kristófer Inga sem skallar boltann rétt framhjá marki Víkings. Eflaust besta færi Blika!

Viktor Örlygur þræðir Jóa í gegn sem er einn gegn Antoni en lætur verja frá sér.

Sigurður Hjörtur dómari er í litlu uppáhaldi hjá stuðningsmönnum Breiðabliks þessa stundina. Verð að viðurkenna að það hallar örlítið á Blika í dómgæslunni.

Víkingar fá hornspyrnu en Blikar koma hættunni frá.

Blikar fá hornspyrnu, taka það stutt og gefa fyrir en í kjölfarið dæmd rangstaða.

Ágúst fær háa sendingu í teiginn og á skalla rétt framhjá marki Víkings.

Elías Már fær sendingu út í teiginn en setur boltann himinhátt yfir frá vítateigslínu.

Boltinn skoppar Víkinga á milli í teig Blika, boltinn endar hjá Karli Friðleifi sem á tilraun í varnarmann og í hornspyrnu.

Jóhannes Kristinn tekur við bolta innan eigin vítateigs. Boltinn skoppar greinilega upp í hendina á Jóa en ekkert dæmir Sigurður Hjörtur! Blikar reiðir og úr verður einhver kítingur milli leikmanna.

Óskar Borgþórs með góða takta og gefur fyrir á Helga sem á skot af stuttu en Anton Ari ver vel.

Víkingar fá fyrstu hornspyrnu leiksins. Boltinn á Elías Má sem lætur vaða en boltinn af varnarmanni og í aðra hornspyrnu. Blikar koma seinni hornspyrnunni frá.

Blikar í maður á mann dekkningu eins og á fimmtudaginn síðastliðinn.

Víkingar hefja leik!

Hið frábæra lag Blikar tökum nú bikar ómar um völlinn og stemningin stigmagnast, styttist í þetta!

Bæði lið hita vel upp og stuðningsmenn tylla sér í stúkuna, góður grillilmur í loftinu. Víkingar eru mættir tímanlega og uppskera stuðningsmennirnir lófatak frá leikmönnum.

Blikar hafa neyðst til þess að gera breytingu á byrjunarliði sínu. Óli Valur Ómarsson verður ekki til taks og kemur því Arnór Gauti Jónsson inn í byrjunarliðið.

Ólafur Ingi Skúlason gerir fjórar breytingar á byrjunarliði sínu frá 4-1 tapi gegn Víkingi í deildinni á fimmtudag.

Kristófer Ingi Kristinsson, Andri Rafn Yeoman, Davíð Ingvarsson og Ívar Örn Árnason snúa allir aftur í liðið.

Úr liðinu víkja þeir Arnar Bjarki Gunnleifsson, Gabríel Snær Hallsson, Arnór Gauti Jónsson og Kristinn Jónsson.

Sölvi Geir Ottesen, þjálfari Víkings, gerir fimm breytingar á byrjunarliði sínu frá leiknum á fimmtudag.

Gylfi, Valdimar, Ekroth, Aron Elís og Daníel Hafsteinsson víkja úr liðinu. Ekroth er í leikbanni og er því ekki í hóp.

Inn í liðið koma þeir Jóhannes Kristinn Bjarnason, Tarik Ibrahimagic, Viktor Örlygur Andrason, Gunnar Vatnhamar og Erlingur Agnarsson.

útvarpsþættinum Fótbolti.net var opinberað val á úrvalsliði umferða 1-11 í Bestu deild karla. Hverjir hafa verið bestir það sem af er tímabili.

Topplið Víkings á átta af ellefu leikmönnum í liðinu en Breiðablik er með engan fulltrúa.

Eftir 13 leiki í Bestu deildinni eru Víkingar með 37 stig, 45 mörk skoruð og aðeins sjö mörk fengin á sig. Þeir hafa unnið 12 af 13 leikjum sínum og eru enn taplausir.

Eini leikurinn hingað til í sumar hjá Víkingum sem vannst ekki var leikur gegn Breiðabliki í fyrstu umferð Bestu deildarinnar sem endaði með 1-1 jafntefli. Breiðablik og Víkingur mættust svo aftur í vikunni og þá unnu Víkingar þægilegan sigur.

Víkingur og Breiðablik hafa á síðustu árum skipst á að vinna Bestu deildina og hafa spilað marga spennandi leiki - verið miklir keppinautar. Núna, miðað við frammistöðu í leikjunum tveimur, virðist þó vera komin gjá á milli liðanna og hún stækkaði síðasta fimmtudag á Kópavogsvelli. Liðin standa allavega ekki jafnfætis í dag en það munar 18 stigum á þeim í töflunni.

Ítarlegri greining á hvernig gjáin myndaðist er hægt að sjá á áskriftarvef Fótbolta.net. Hægt er að skrá sig í viku prufuáskrift til þess að lesa greinina hér að neðan.

Mikið er í húfi á Kópavogsvelli en liðið sem vinnur viðureignina mætir annað hvort Fylki eða Aftureldingu í úrslitaleik Mjólkurbikarsins á Laugardalsvelli síðar í sumar.

Liðin mættust á fimmtudag í deildinni og unnu Víkingar 4-1 sigur á erkifjendunum. Eftir leikinn var mjög athyglisvert að sjá viðbrögð þjálfara og leikmanna Víkings.

„Ég er sáttur með úrslitin en ég er ekki sáttur með fyrri hálfleikinn hjá okkur," sagði Sölvi Geir Ottesen, þjálfari Víkinga, við Fótbolta.net.

„Ég var eiginlega mjög ósáttur með hann. Við byrjuðum ágætlega en svo fannst mér eins og menn héldu að þetta yrði bara einfalt dagsverk."

Helgi Guðjónsson, sem skoraði tvö mörk í leiknum úr vinstri bakverði, tók undir með Sölva.

„Við komum ekki oft hingað og vinnum stórt. Það er mjög sterkt. En mér fannst við ekki góðir í dag og ólíkir sjálfum okkur," sagði Helgi.

„Menn fóru að slaka á, ákvarðanatökur voru lélegar og við vorum langt frá þeim standard sem við viljum sýna. Við fórum vel yfir það í hálfleiknum og ég óskaði eftir viðbrögðum frá mönnum," sagði Sölvi.

Heilir og sælir lesendur góðir og veriði velkomin í þráðbeina textalýsingu frá Kópavogsvelli þar sem Breiðablik tekur á móti Víkingi í undanúrslitum Mjólkurbikarsins.