Þetta var loka spyrna leiksins. Stjörnumenn með verðskuldaðan sigur, stýrðu leiknum vel.

Skýrsla og viðtöl væntanleg í kvöld.

Alex Þór fær boltann eftir hornið og tekur skotið fyrir utan teig, þetta fer alveg greinilega af KA manni, en ekkert horn núna.

Daníel Finns með skotið fyrir utan teig, mér sýndist þetta fara bara beint útaf en fór víst af varnarmanni og Stjarnan fær horn.

Hallgrímur með aukaspyrnuna og lyftir honum inn í teig. Boltinn er eitthvað að skoppa milli manna og Jakob Héðinn nær aðeins að pota í hann en beint á Árna Snæ.

Árni Snær sest í grasið, fékk eitthvað högg í magann en hann er fljótur að hrista þetta af sér.

Spyrnan hjá Grímsa í vegginn og aftur fyrir KA menn fá horn.

Brotið á Grímsa og KA menn fá aukaspyrnu á stórhættulegum stað!

Stórhættulegur bolti inn í teig hjá Svein Margeir, en hann fer á einhvern hátt framhjá öllum og Stjörnumenn rétt ná að pota boltanum aftur fyrir.

Örvar Logi í góðu færi og tekur skotið en beint á markið.

Birnir með boltann vinstra megin í teignum, hann tekur eina hraða stefnubreytingu og neglir á nær, boltinn fer undir Guðjón og Steinþór sér hann því seint en ver bara samt!

Stjörnumenn í þungri sókn, ná tveim skotum á markið. Seinna var Daníel Finns en Stubburinn varði.

Árni er að reyna að spila út frá marki en hann gefur boltann bara beint á Jakob Héðinn sem reynir að skjóta í fyrsta í opið markið en hann skýtur framhjá!

Birnir keyrir upp kantinn og fer framhjá Kára, hann kemur svo boltanum inn í teig á Benedikt sem er í dauðafæri, hann tekur skotið en Steinþór ver mjög vel frá honum. Birnir nær þá lausa boltanum og tekur skotið en aftur ver Steinþór!

Þorri með fyrirgjöfina inn í teig og Örvar Eggerts nær skallanum en hann fer beint á Steinþór.

Jóhann Árni með mjög góða sendingu inn á teiginn. Örvar Logi er mættur á fjær þar sem hann skallar boltann aftur fyrir teiginn og Emil er í algjöru dauðafæri þar sem hann skallar á markið en Steinþór ver frá honum frábærlega!

Sendingin inn í teig og Emil tekur hann á kasssann, leggur hann fyrir sig og tekur skotið en framhjá.

Jóhann Árni tekur spyrnuna, hún er föst en fer aðeins yfir markið.

Stjörnumenn með hornspyrnu og Jóhann Árni lyftir boltanum á fjær. Þar er Gustav Kjeldsen í góðu færi en það er eins og hann bjóst ekki við því að þetta myndi ná til hans því hann bara potar aðeins í boltann og skotið vel framhjá.

Fín skyndisókn hjá KA mönnum, langur bolti fram og Hallgrímur nær skotinu inn í teig en af varnarmanni og gestirnir fá horn.

Sveinn Margeir reynir skotið fyrir utan teig, en það fer í varnarmann og Árni skokkar svo eftir boltanum.

Stjörnu menn með verðskuldaða tveggja marka forystu í hálfleik, þeir hafa stýrt leiknum vel og nýtt þessi færi sem þeir hafa fengið. KA menn hafa á hinn bóginn alls ekki verið góðir, í stökustu vandræðum með að hitta á samherja. Gæðaleysið er rosalegt.

Sjáum til hvað gerist í seinni 45.

KA menn í miklu veseni í að vinna boltann rétt fyrir utan eigin teig og hreinsa. Boltinn skoppar af mönnum og fer á Birni sem reynir skotið en aftur kasta menn sér fyrir skotið. Hans Viktor í þetta skiptið sem blokkerar.

Hallgrímur reynir skotið af svona 35 metrum. Beint á Árna Snæ.

Stjörnumenn með hornspyrnu og Jóhann Árni lyftir boltanum á fjær. Steinþór þarf að fara í gegnum mikla þvögu til að blaka hendinni í boltann. Birnir nær þá lausa boltanum inn í teig og tekur skotið en þar mætir boltinn vegg af KA mönnum sem kasta sér fyrir boltann.

Stjörnumenn með hornspyrnu sem Hans Viktor skallar frá. Birnir nær lausa boltanum vinstra megin í teignum og hann reynir bara skotið, sem syglir bara rétt yfir markið.

KA menn með hornspyrnu. Hallgrímur lyftir boltanum inn í teig, og úr verður mikill skallatennis, held ég taldi alls fjóra skalla. Stjörnumenn ná svo að hreinsa.

KA menn í bullandi veseni að hitta á annan mann í gulu. Þeir eru að gera ágætlega í að pressa ig vinna boltann en gæðin eftir það fylgja ekki.
Heimamenn njóta mikils góðs af því.

Birgir með flott hlaup upp miðjan völlinn, hann sér markið og tekur skotið en það er langt framhjá.

Svo sem ekkert galið að reyna þetta, hann er markahæsti maður KA á tímabilinu með þrjú mörk.

Langur bolti fram hjá KA á Danijel sem leggur hann strax inn fyrir á Oliver. Hann er í ágætu færi en með varnamanninn í sér og nær því bara mjög lausu skoti á markið sem Árni tekur.

KA menn með hornspyrnu. Hallgrímur tekur hana og lyftir boltanum á nær þar sem Hans nær skallanum, mjög góður skalli en fer rétt yfir þverslánna.

Jóhann Árni reynir skotið fyrir utan teig en það er laust og frekar beint á Steinþór.

Skemmtilegir taktar hjá Danijel Djuric. Fer framhjá Örvari og kemur með sendinguna á nærstöngina. Sveinn Margeir rétt nær ekki til boltans og Árni tekur þennan.

Sindri Þór með góðan bolta inn í teig og Gustav Kjeldsen nær lausum skalla hátt upp en á markið. Það munaði ekki miklu að þessi myndi lauma sér undir stöngina og í markið en Stubbur vel á verði og tók þetta.

KA menn með langt innkast inn á teig sem Oliver tekur. Boltinn fær að skoppa tvisvar inn á miðjum teignum án þess að nokkur maður fari í hann og Markús Máni er mættur á fjær að ráðast á boltann. Árni Snær er hins vegar rétt á undan honum og hrifsar boltann til sín.

Jóhann flautar og við erum farin af stað!

Það er augljóst síðan Jón Þór tók við að hann ætlar að spila sóknarleik, Stjarnan sigur á 2.03 er gott veðmál og einnig yfir 3,5 mörk á 1.83 þar sem KA geta refsað. Mun taka bæði.

— Kristalkúlan (@kristalkulan) June 28, 2026

KA liðinu hefur ekki gengið vel að ná í úrslit inn á velli, en peninga hliðin hefur gengið töluvert betur. Utan Vallar tók saman fjárhagstekjur KA í greininni hér fyrir neðan.

Daníel Freyr Kristjánsson, nýr leikmaður Lyngby í Danmörku, spáir í leikina sem eru framundan.

Stjarnan 3 - 1 KA
Verð að bakka mína menn upp í þessum leik, verður þægilegt. Haukur Brink skorar fyrir bæði lið.

Jón Þór Hauksson þjálfari Stjörnunnar gerir tvær breytingar frá síðasta leik þegar Stjarnan tapaði 2-1 fyrir ÍBV. Gustav Kjeldsen og Jóhann Árni Gunnarsson koma inn í liðið. Daníel Finns Matthíasson færist á bekkinn en Guðmundur Kristjánsson er ekki í hóp, en hann er í leikbanni vegna uppsafnaðra spjalda.

Hallgrímur Jónasson þjálfari KA gerir einnig tvær breytingar á sínu liði sem tapaði 3-1 fyrir Breiðablik í síðustu umferð. Kári Gautason og Jakob Snær Árnason koma inn í liðið. Guðjón Ernir Hrafnkelsson sest á bekkinn en Samuel Karl Kroon er ekki í hóp.

Jóhann Ingi Jónsson verður með flautuna í þessum leik en honum til aðstoðar verða Ragnar Þór Bender og Jovan Subic. Varadómari er Hreinn Magnússon og eftirlitsmaður KSÍ er Oddur Ingi Guðmundsson.

Það er óhætt að segja að bæði lið myndu vilja vera með fleiri stig en þau eru með eins og er. Stjarnan er í 8. sæti með 11 stig, og hafa þegar rekið þjálfarann sinn. Margir töldu Stjörnumenn fyrir mót vera með besta hópinn í það að veita Víkingum samkeppni um Íslandsmeistaratitilinn. Það hefur svo sannarlega ekki komið á daginn, og nú eru Garðbæingar að berjast um að koma sér aftur á flot.

KA menn voru stórhuga fyrir mót. Vissulega misstu þeir nokkra lykil leikmenn, en þeir sóttu stór nöfn á borð við Danijel Dejan Djuric og Oliver Heiðarsson. Það var því búist við góðu gengi á brekkunni á Akureyri. Það hefur ekki komið á daginn, því KA menn eru í 10. sæti með 10 stig. Þar að auki hafa þeir tapað fjórum leikjum í röð.

Það er því ljóst að ef að annað liðið vinnur þennan leik verður það mikilvægara en áður var. Það er stutt upp í topp 6 og núna þegar við erum komnir inn í seinni helminginn fyrir skiptingu, þá lítur það út fyrir að ef þú kemst upp fyrir strik ert þú ekki að berjast um Evrópu heldur ertu öruggur frá falli. Ef þú ert fyrir neðan strik, þá lítur út fyrir að hver sem er getur fallið úr deildinni.

Komið þið sæl og verið velkomin í beina textalýsingu frá leik Stjörnunnar og KA í 12. umferð Bestu deildar karla.

Leikurinn hefst klukkan 17:00 og verður spilaður á Samsungvellinum í Garðarbæ.