SKÝRSLAN: Hiti í Breiðholti
Hvað réði úrslitum?
Barátta og vilji ÍR-inga til þess að fá eitthvað út úr þessum leik manni færri.
Bestu leikmenn
1. Örn Bragi Hinriksson
Fiskaði bæði gulu spjöldin á Jón Arnar Sigurðsson með þriggja mínútna millibili. Hann sýndi mikil gæði í leiknum og var einnig öflugur í vörninni.
2. Emil Nói Sigurhjartarson
Skoraði mikilvægt jöfnunarmark úr víti og var flottur í dag.
Atvikið
Það kviknaði á leiknum eftir rauða spjaldið á 21. mínútu. Það hitnaði í kolunum og spjöldin urðu mikið fleiri.
Hvað þýða úrslitin?
ÍR færast stigi fjær fallsætunum og sitja enn í 9. sæti á meðan Þróttarar komast upp fyrir Fylki í öðru sæti í bili að minnsta kosti. Eru einu stigi frá toppnum en Afturelding sem situr þar á leik inni.
Vondur dagur
Verður að skrifast á Jón Arnar Sigurðsson sem gerði sig sekan um tvö brot og gul spjöld á þremur mínútum sem skildi samherja sína eftir manni færri í 70 mínútur.
Dómarinn - 6
Gunnar stóð sig að mestu leyti vel en leikurinn var nálægt því að leysast upp í eitthvað rugl. Hann var full gjafmildur á spjöldin en flest ef ekki öll vafaatriði voru rétt dæmd.