SKÝRSLAN: Svakalega dramatískur og kærkominn sigur hjá KA
Hvað réði úrslitum?
KA menn byrjuðu betur en ÍA vann sig inn í leikinn og komst yfir. ÍA náði tveggja marka forystu rétt eftir að Sveinn Margeir Hauksson klikkaði á dauðafæri. KA náði síðan í magnaðan endurkomusigur. Skagamenn naga sig í handabökin þar sem góð færi fóru forgörðum til að innsigla sigurinn
Bestu leikmenn
1. Sveinn Margeir Hauksson
Skorar tvennu en er svekktur að hafa ekki skorað þrennu þar sem hann klikkaði á dauðafæri stuttu áður en hann skoraði fyrra markið.
2. Danijel Dejan Djuric
Frábær leikur hjá Danijel. Þetta er sá Danijel sem KA menn vilja sjá. Leggur upp annað markið og nær í vítið í lokin sem innsiglaði sigurinn. Var mjög líflegur í leiknum.
Atvikið
Fyrsta mark KA stórkostlegt hjá Sveini Margeiri. Svo var svakaleg dramatík í blálokin. KA fær víti sem Hallgrímur Mar klikkar á en fylgir á eftir og tryggir KA mönnum sigurinn.
Hvað þýða úrslitin?
KA nælir í dýrmæt þrjú stig í fallbaráttunni. FH vann í kvöld og KA er því enn tveimur stigum frá fallsæti. ÍA er komið í bullandi fallbaráttu, liðið er aðeins fjórum stigum frá fallsæti.
Vondur dagur
Jón Gísli Eyland Gíslason fær á sig vítaspyrnuna sem innsiglar sigur KA í blálokin.
Dómarinn - 7
Dæmir tvö víti, hárrétt að mínu mati og með góð tök á leiknum.