KR vinnur 5-2 sigur á ÍBV í stórskemmtilegum leik. Skýrsla og viðtöl væntanleg síðar í kvöld. Ég þakka fyrir mig.

Fær boltann í gegn frá Orra Hrafni og tekur skot í fjærhornið sem Ari ver vel.

Eyjamenn reyna að bæta við öðru marki þessa stundina en Alex fékk fínasta skallafæri en náði ekki að setja boltann á markið.

Galdur sparkaði Eið Atla niður í teignum.

Orri með gott hlaup og tekur skotið í varnarmann, þá hrekkur boltinn á Ástbjörn sem skýtur einnig í varnarmann en boltinn aftur fyrir endamörk.

Eyjamenn eru ekki hættir og eru að leita að marki en KR-ingar sækja hratt við hvert tilefni.

Finnur Tómas mættur í fremstu línu og rennir boltanum í gegn á Eið Gauta sem er einn á móti Ara en setur boltann fram hjá.

Eru með þá í þessum frægu köðlum þessar upphafsmínútur síðari hálfleiks.

Með þvílíka neglu með vinstri fæti sem virtist vera á leiðinni í skeytin en rétt fer af varnarmanni og aftur fyrir.

Luke Rae gerði vel og kom boltanum á Galdur sem var í fínu færi en Eyjamenn komast fyrir skot hans.

Fjörugum fyrri hálfleik lokið. Tökum okkur 15 mínútna hlé.

Seinasta spyrna leiksins kemur frá Aroni Sig en boltinn lekur í gegnum allan pakkan og sleikir fjærstöngina og fer aftur fyrir.

Aron Sig með skot sem fer í varnarmann og aftur fyrir.

Felix kemur með góðan bolta inn fyrir á Sesar sem missir hann aðeins of langt frá sér og Finnur Tómas hreinsar.

Bæði lið sækja en hvorugt lið nær að komast í alvöru færi.

Omar Sowe nálægt því að koma boltanum yfir Halldór í marki KR sem var kominn langt út á móti en hann nær til boltans og kemur í veg fyrir mark frá Eyjamönnum.

Komast í góða stðu á teig KR en skotið fer fram hjá markinu frá Vicente Valor.

Aron Sig tæklaður í teignum eftir vesen í vörn Eyjamanna. Ari í markinu tapaði boltanum og Luke renndi honum á Aron sem var tekinn niður.

Frábær bolti inn fyrir vörnina frá Felix sem Milan Tomic og Vicente Valor voru báðir að elta en Tomic rennir honum á Valor sem nær ekki að pota boltanum á markið.

Með gríðarlega skemmtilegt skot sem var á leið upp í vinstri skeytin en Ari i Haraldstovu greip bara boltann!

KR-ingar sóttu mikið eftir mark Eyjamanna en síðustu mínútur hafa einkennst af miklu miðjumoði og vindurinn spilar þar inn í.

Luke Rae kemur með fasta fyrirgjöf sem Ari slær á Galdur á fjærsvæðinu sem tekur skot sem fer rétt yfir markið.

Ástbjörn Þórðar með skemmtilega hreyfingu og kemst fram hjá Felix og kemur með sendingu á Arnór sem er í miðjum teignum en skýtur rétt fram hjá nærstönginni.

Góður bolti inn á teiginn frá Galdri sem Arnór Ingvi skallar fast á markið en Ari grípur hann.

Varamannaskýlin á Meistaravöllum eru stúku megin í dag og koma í veg fyrir að hægt sé að sitja í neðstu röðum stúkunnar fyrir aftan þau. Vallarþulur segir að það sé vegna veðurs.

Það er hvasst hér á Meistaravöllum og spurning hvort það muni hafa áhrif á leikinn en liðin eru að ganga inn á völlinn svo þetta er alveg að bresta á!

KR -1,5 á Epic er gott veðmál en það eru engar líkur a því að KR vinni 2-0 svo eg ætla í KR yfir 2,5 mörk á stuðlinum 1,73.

— Kristalkúlan (@kristalkulan) July 12, 2026

Það sem vekur athygli er að Óskar Hrafn gerir aftur markvarðarbreytingu en Sigurpáll Sören fer út úr liðinu eftir erfiðan leik gegn Þór og Halldór er mættur aftur í markið. Óskar gerir einnig þrjár aðrar breytingar en inn frá síðasta leik koma þeir Eiður Gauti, Ástbjörn Þórðar og Hjalti Sig. Linta gerir eina breytingu en Omar Sowe kemur inn fyrir Róbert Elís.

Amin Cosic var seldur út til Viking í Noregi á dögunum en hann spilaði sinn síðasta leik fyrir KR gegn Þór í síðustu umferð. Það sem vakti athygli var að Amin sást traðka á leikmanni Þórs en dómari leiksins missti af því en aganefnd úrskurðaði hann í eins leiks leikbann sem hann mun þá taka út eftir einhver ár líklega.

Liðin mættust í 3. umferð deildarinnar á Hásteinsvellinum þar sem leiknum lauk með 2-6 útisigri KR-inga. KR var komið í 0-6 eftir rúmar 60 mínútur en Eyjamenn potuðu inn tveimur mörkum og löguðu aðeins stöðuna. Eins og áður sagði byrjuðu Eyjamenn tímabilið hrikalega illa en spurning hvernig þeir mæta til leiks í dag.

Ívar Orri Kristjánsson er dómari leiksins en honum til aðstoðar eru þeir Birkir Sigurðarson og Gylfi Már Sigurðsson. Fjórði dómari er Arnar Þór Stefánsson og dómaraeftirlitsmaður er Einar Örn Daníelsson.

ÍBV kemur á fljúgandi siglingu inn í þennan leik en liðið er í 8. sæti með 15 stig eftir 13 leiki. Það sem er merkilegt að athuga er að eftir fyrstu sjö umferðir Bestu deildarinnar var ÍBV með eitt stig en í síðustu sex leikjum hefur liðið náð í 14 stig. Í síðustu umferð vann liðið 1-0 sigur á Val þar sem Valsliðið var án Hermanns Hreiðarsonar í fyrsta sinn á tímabilinu.

Eins og flestir vita fóru KR-ingar ansi vel af stað í Bestu deildinni í ár en hefur aðeins fatast flugið í síðustu leikjum. Liðið er enn í 2. sæti, Fram er tveimur stigum á eftir þeim með leik til góða, en liðið er núna 11 stigum á eftir toppliði Víkings. KR er með 29 stig eftir 14 leiki en liðið hefur aðeins sótt fjögur stig í síðustu fjórum leikjum. Í síðustu umferð gerði liðið ótrúlegt 3-3 jafntefli gegn Þór á Akureyri þar sem Þór komst í 3-0 eftir 14 mínútur.

Sæl öll og verið velkomin í beina textalýsingu fyrir leik KR og ÍBV sem fer fram í Vesturbænum. 14. umferðin hefst í dag en þrír leikir fara fram núna klukkan 18:00.