Leik lokið hér út á Seltjarnarnesi. Stórsigur heimamanna staðreynd. Viðtöl og skýrsla væntanleg seinna í dag, ég þakka fyrir mig.

Þremur mínútum bætt við

Nikola með fast skot fyrir utan teiginn en Guðmundur ver mjög vel á ný. Ægismenn hafa verið öflugir síðustu mínútur.

Gestirnir í færi eftir hornspyrnu en Dagur bjargar á línu.

Mattías í færi en Stefan hendir sér fyrir skotið og liggur þjáður eftir. Myndi giska á uppsnúin ökkla. Leikurinn farinn af stað aftur og Ægismenn manni færri í bili.

Dauðafæri inn í teig heimamanna en Guðmundur ver vel.

Stefan Dabetic með hörkuskot fyrir utan teiginn en skotið rétt framhjá.

Mattías í dauðafæri en skotið rétt framhjá.

Viktor Orri fer niður í teignum og heimamenn heimta víti en ekkert dæmt. Þetta var á mörkunum.

Björgvin Brimi kominn einn í gegn en skýtur rétt yfir markið. Þarna hefðu mörkin hæglega getað orðið 6.

Litlu bætt við þennan fyrri hálfleik. Tökum okkur korter og höldum svo áfram!

Atli Rafn fær boltann inn í teig eftir fyrirgjöf og nær skotinu en Guðmundur ver vel.

Hrannar Ingi með skotið frá D-boganum eftir góðan undirbúning Mattíasar en skotið rétt framhjá.

Jordan kominn í fína stöðu inn í teig en boltinn skoppar óheppilega í höndina á honum og aukaspyrna dæmd.

Ægismenn í sókn en Grótta nær að tækla boltanum frá. Boltinn fer hátt upp í loftið og í bíl á ferð hér á Suðurströnd. Ekki miklar líkur á þessu.

Kristófer Dan með lúmskt skot fyrir utan teiginn en skotið framhjá markinu.

Já þetta var ekki lengi að gerast. Eftir fína byrjun gestanna hafa Gróttumenn snúið taflinu við.

Alfredo með skemmtilegt volley á hinum enda vallarins en yfir fer knötturinn.

Fyrirgjöfin inn í teig og henni er flikkað lengra fyrir markið en Ægismenn ná ekki tánni í boltann sem hefði skilað honum í netið. Gestirnir hafa verið hættulegri þessar fyrstu mínútur.

Gestirnir vinna annað horn.

Flott spil hjá Ægismönnum. Paul Leonard gerir síðan mjög vel inn í teig en sendingin fyrir er hreinsuð í horn.

Ægir sparkar þessu af stað!

Liðin gengin inn á og þau takast í hendur. Þetta fer að bresta á.

Gróttumenn gera þrjár breytingar á sínu byrjunarliði frá tapinu gegn Grindavík. Dagur Bjarkason, Nökkvi Már Nökkvason og Kristófer Dan Þórðarson sem er að stíga upp úr meiðslum koma inn í liðið í stað Axels Sigurðarsonar, Einar Tómasar Sveinbjörnssonar og Emils Skúla Einarssonar.

Gestirnir gera tvær breytingar eftir tapið gegn HK. Kristinn Ásberg Þorbergsson og Daníel Karl Þrastarson koma inn í liðið í stað Sigurðs Óla Guðjónssonar og Bjarka Rúnars Jónínusonar.

Grótta sótti 1-0 sigur til Þorlákshafnar í fyrri viðureign liðanna. Grímur Ingi Jakobsson skoraði þá sigurmarkið úr vítaspyrnu.

Gestirnir sitja á botni deildarinnar með 8 stig, fjórum stigum frá öruggu sæti. Þeir hafa sótt eitt stig í síðustu 7 deildarleikjum og hafa ekki unnið leik frá því í lok maí. Jordan Adeyemo hefur verið ljósi punktur liðsins en hann hefur skorað 8 mörk á tímabilinu.

Heimamenn sitja í 8. sæti deildarinnar þar sem pakkinn er þéttur. Þeir eru með 19 stig og eru einungis 2 stigum frá umspilssæti. Þeir hafa sótt 7 stig í síðustu 5 leikjum en þeir töpuðu síðasta leik 2-1 gegn Grindavík hér á Vivaldi vellinum. Það er spurning hvort þeir nái að svara fyrir það hér í dag.

Brynjar Þór Elvarsson verður með flautuna í dag og honum til aðstoðar verða Tryggvi Elías Hermannsson og Ásgeir Viktorsson. Dómaraeftirlitsmaður dagsins er Ólafur Ingi Guðmundsson.

Leikurinn hér í dag er hluti af 14. umferð Lengjudeildarinnar. Svona lítur fjórtánda umferðin út:

16. júlí:
Afturelding 3-2 Leiknir (19:15).
17. júlí:
Fylkir 4-1 Njarðvík (19:15).
18. júlí:
Grótta - Ægir (14:00)
Grindavík - ÍR (14:00)
Þróttur - Völsungur (16:00)
20. júlí:
HK - Vestri (19:15)

Komiði sæl og blessuð og verið hjartanlega velkomin í þessa þráðbeinu textalýsingu beint frá Vivaldi vellinum á Seltjarnarnesi þegar Grótta tekur á móti Ægi.