5-0 og í fyrsta sinn sem KR heldur hreinu á tímabilinu, því ber að fagna!
Skýrsla og viðtöl væntanleg.
Ég þakka fyrir mig.

Aron Sig sendir boltann á Eið Gauta sem er einn gegn Árna en skýtur í stöngina, síðan fær Fannar frákastið en skýtur fram hjá!

Stefán Árni fær afbragðsfæri inni í markteignum en sýnist Árni verja þetta, KR fær horn.

Stjarnan haldið í boltann síðustu mínútur en ekki náð að ógna marki KR.

Birnir Snær tók spyrnuna fasta meðfram jörðinni en Halldór sá við honum.

Stefnir í fyrsta hreina lak KR á tímabilinu.

Góð sókn KR endar með því að Jason Daði kemur með fasta fyrirgjöf inn á teiginn sem enginn KR-ingur nær til.

Aron fékk séns til að ná í þrennuna en klikkaði.

Leikurinn hefur aðeins róast síðustu mínútur en KR undirbýr þrefalda skiptingu.

Varamennirnir strax komnir í boltann en það skapast mikill darraðadans á teignum en enginn nær að koma boltanum á markið.

KR keyrir upp völlinn og Luke rennir boltanum á Aron sem er togaður niður en hann nær að standa þetta af sér og skýtur á markið, boltinn fór í varnarmann og aftur fyrir.

Orri Hrafn með skemmtilegan snúning og keyrir upp völlinn, rennir boltanum á Galdur sem kemur með fyrirgjöf sem Eiður skallar að marki en ekki nægilega fast.

Orri Hrafn sækir vítið en þessi sókn hjá KR var stórkostleg. Spiluðu upp allan völlinn með einnar snertingar fótbolta.

Stjörnumenn eru að reyna að lífga aðeins upp á þetta og KR-ingar hafa lítinn áhuga á að leggjast til baka.

KR byrjar strax að ógna marki Stjörnunnar en Árni Snær ver vel frá Aroni Sig.

Frábær frammistaða hjá heimamönnum en Garðbæingar hafa ekki ógnað marki KR af neinu viti.
Tökum okkur 15 mínútna hlé.

Aron Sig með spyrnuna sem fer yfir vegginn og í þverslána. Árni Snær hreyfðist ekki á línunni.

Tekur innkast sem fer rakleiðis útaf, áhugavert.

Arnór Ingvi með fasta sendingu á Luke Rae sem fer utan á Örvar Loga en skýtur rétt fram hjá.

Aftur liggur Örvar eftir en nú virðist hann hafa fengið högg á öxlina, stendur þó fljótt upp.

Góð fyrirgjöf frá Aroni Sig á teiginn sem Örvar nær að skalla í burtu en KR fær horn.

Örvar og Eiður skokka hér inn á völlinn í sameiningu þegar KR fær hornspyrnu.

Kominn með umfangsmikinn vafning um höfuðið og röltir út af vellinum og þarf að bíða þar í mínútu.

Örvar liggur enn niðri en Eiður er staðinn upp. Börur komnar á völlinn.

Hornspyrna frá Stjörnunni sem Örvar Eggerts skallar rétt fram hjá en hann og Eiður skella saman og liggja báðir eftir.

Vel spilað hjá Arnóri Ingva og Aroni Sig, taka góðan þríhyrning en Arnór rennir síðan boltanum út á Luke Rae sem er við teiginn en skot hans með vinstri fæti fer hátt yfir markið.

Aron Sig með stórkostlega hælsendingu inn fyrir á Eið Gauta sem var aleinn gegn Árna Vill en skaut langt fram hjá markinu. Ólíkt markaskoraranum að fara svona illa með færi.

Langlangbesta færi leiksins!!!

Með góða aukaspyrnu sem fer rétt yfir markið. Halldór skutlaði sér í þetta en boltinn virtist vera á leiðinni undir slána.

Luke Rae kemur með góðan bolta inn á teiginn sem Eiður Gauti rétt nær til en skallinn hans er fram hjá.

Löng sókn KR þar sem þeir eiga nokkur skot fyrir utan teiginn en Árni varði eitt og annað blokkað áður en Hjalti Sig tekur það þriðja sem fer yfir markið.

Frábær sókn hjá KR-ingum sem sundurspila vörn Stjörnunnar og Luke Rae kemur með bolta inn á teiginn þar sem Aron Sig rennir honum í tómt markið en er samstundis flaggaður rangstæður.

Fær boltann inni á teignum og nær að koma sér fram hjá Jóhanni Árna og tekur fast skot á nærstöngina en Árni Snær ver vel.

Við hornspyrnuna myndast mikil hætta inni á teig Stjörnunnar og einhver köll um hendi en að lokum hreinsar Stjarnan þessu burt.

Stjarnan tapar boltanum í uppspili og Aron Sig rennir boltanum á Galdur sem er í góðu færi en Árni Snær ver boltann yfir markið.

Fer auðveldlega fram hjá Bjarka Haukssyni og kemst inn á teiginn og ætlar að lyfta boltanum á fjærstöngina en Árni Snær kemst í boltann.

Stúkan tekur hressilega við sér og klappar vel fyrir leikmönnunum.

“Bæði lið skora 2 mörk+” er mjög gott veðmál á 2.12 i öllum KR leikjum en extra gott í dag.

— Kristalkúlan (@kristalkulan) July 19, 2026

Ari Leifsson var kynntur sem nýr leikmaður Stjörnunnar á dögunum en hann hefur verið í atvinnumennsku síðan 2020.


Árni Vilhjálmsson var einnig kynntur sem leikmaður Stjörnunnar en hann var einnig orðaður við heimkomu í Breiðablik.


Jason Daði gekk til liðs við KR í lok júní en má nú spila sinn fyrsta leik fyrir félagið.

Damir Muminovic, leikmaður Grindavíkur, spáir markaleik:

Þetta verður markaleikur eins og flestir aðrir leikir hjá KR. Stjarnan er að fá nýja menn inn í liðið líka en það mun ekki breyta neinu, held ég, í þessum leik. Öruggur sigur KR.

Liðin mættust í 6. umferð Bestu deildar á Samsungvellinum í rosalegum leik en sá endaði 2-3 fyrir KR. Stjarnan skoraði tvö mörk rétt fyrir hálfleiksflautið en KR-ingar komu til baka í síðari hálfleik þar sem endurkoman var fullkomnuð er Ástbjörn Þórðarson skoraði sigurmark leiksins á 87. mínútu.


Það var síðan fimm dögum síðar sem liðin mættust aftur á Samsungvellinum, þá var það í Mjólkurbikarnum en þar fór Stjarnan með sigur af hólmi, 2-1 enduðu leikar. Það var jafnframt fyrsta tap KR á tímabilinu en tvenna frá Emil Atla gerði gæfumuninn.

Þórður Þorsteinsson Þórðarson er dómari leiksins en honum til aðstoðar eru þeir Egill Guðvarður Guðlaugsson og Antoníus Bjarki Halldórsson. Fjórði dómari er Pétur Guðmundsson og dómaraeftirlitsmaður er Gylfi Þór Orrason.

Stjarnan er í 7. sæti en liðið hefur náð í 15 stig í fyrstu 14 leikjum mótsins. Með sigri fer liðið upp fyrir Keflavík og í 6. sætið en þeir spila á morgun gegn Blikum á heimavelli. Stjarnan er með -3 í markatölu þar sem liðið hefur skorað 28 mörk og fengið á sig 31.

Þetta KR lið er ótrúlegt fótboltalið en eftir 15 leiki er liðið í 3. sæti Bestu deildarinnar með 32 stig, stigi á eftir Fram og átta stigum á eftir toppliði Víkings. KR hefur skorað 53 mörk í leikjum sínum, um 3.5 mörk í leik að meðaltali en liðið hefur hins vegar fengið á sig 36 mörk, næstmest allra liða í deildinni en aðeins botnliðið, Þór Akureyri, hefur fengið á sig fleiri mörk.

Komið sæl fagra fólk og verið velkomin í beina textalýsingu fyrir leik KR og Stjörnunnar í 15. umferð Bestu deildar karla. Leikurinn fer fram í Vesturbænum þar sem KR-ingar freista þess að endurheimta 2. sætið á meðan Garðbæingar geta komist í efri hlutann í fyrsta sinn í langan tíma.