SKÝRSLAN: Nýliðarnir ruddu sér leið í úrslit í dal draumanna
Hvað réði úrslitum?
Þetta var hörkuleikur en það sem réði úrslitum í dag var hreinlega bara baráttan og betri gæði í liði Grindavíkur/Njarðvíkur. Þær settu þrjú mörk í dag og það er það sem skilur á milli í fótbolta!
Bestu leikmenn
1. Hildur Katrín Snorradóttir
Átti virkilega góðan leik í dag, aggressívur leikmaður sem komst í frábær hlaup trekk í trekk og olli miklum usla í öftustu varnarlínu Fram. Átti síðan frábært horn á kollinn á Natöshu sem gulltryggði sigurinn og þar með sætið í úrslitunum.
2. Natasha Anasi
Gríðarlega mikilvægur leikmaður fyrir Grindavík/Njarðvík, leiddi sínar konur áfram í dag, frábær leiðtogi inn á vellinum. Var ógnandi sóknarlega og frábær varnarlega. Gulltryggði svo sigurinn með þriðja markinu! Ása björg fær einnig kudos frá mér!
Atvikið
Set atvikið núna á spurninguna hvort Fram hefði í tvígang átt að fá víti? Natasha fékk boltann vissulega í höndina en höndin ekki í óeðlilegri stöðu og svo var klárlega brotið á Söru Svanhildi inn í teig en hagnaður dæmdur sem mér fannst ekki mikill hagnaður. Þetta hefði getað breytt stöðunni töluvert ef Fram hefði fengið víti
Hvað þýða úrslitin?
Úrslitin þýða það einfaldlega að Grindavík/Njarðvík eru komnar í úrslit Mjólkurbikarsins þar sem þær mæta Þrótti á Laugardalsvellinum en Fram situr eftir með sárt ennið.
Vondur dagur
Ég get ekki sagt að neinn hafi átt slakann leik. Allir leikmenn inn á vellinum börðust vel en það er alltaf vont að tapa og extra vont að tapa í bikarleik og rétt missa af sæti í úrslitunum.
Dómarinn - 5
Mér fannst dómarateymið ekki hafa alltof mikla stjórn á leiknum mér fannst mismikið dæmt á sömu brotin og stundum fannst mér halla á annað hvort liðið í dómgæslu.