Sverrir Örn Einarsson @SEinarsson

Hvað réði úrslitum? Það er ekki hægt að horfa framhjá einstaklingsgæðum Tryggva Hrafns, Patricks og Frederik Schram þegar rýnt er í þetta einvígi. Mörk Tryggva skilja á milli en stoðsendingar Patrick og allar þær vörslur sem Frederik bauð upp á voru ekki síður mikilvægar. Lið Vals sýndi líka karakter að halda haus undir þungri pressu Mostar manna og eiga gleðina sem þessu fylgir innilega skilið. Bestu leikmenn 1. Frederik Schram Er einhver með tölu á vörðum skotum hjá honum yfir leikina tvo? Vítavarslan frábær og allar hinar með. Frederik ekkert minna en stórkostlegur í kvöld 2. Tryggvi Hrafn Haraldsson Sást lítið lungan úr leiknum en hann þarf ekkert alltaf að vera allt í öllu. Réttur maður á réttum stað var það sem skipti öllu í dag. Atvikið Vítavarsla Frederik undir lok leiks. Bjarni Mark sá fram á svefnlitla nótt eftir klaufalegt brot en Frederik kom honum til bjargar. Las fyrirliða Mostar eins og opna bók og varði glæsilega frá honum af punktinum.

Hvað þýða úrslitin? Valur fær Nordsjæland í heimsókn eftir viku og er með í þriðju umferðinni. Mostar er það ekki og við þökkum þeim fyrir þeirra framlag þetta árið sem fól ekki í sér að slá út íslenskt lið eins og stundum áður. Vondur dagur Nemanja Bilbija skoraði vissulega úr víti snemma leiks en sá fór illa með færin sín í þessu einvígi. Fékk svo gullið tækifæri til að koma sínum mönnum í framlengingu undir lok leiks en lét verja frá sér víti eins og frægt er orðið. Dómarinn - 4 Satt best að segja fannst mér frammistaða tríósins ekkert spes heilt yfir en ég græt það akkúrat ekki neitt. Rangstaða dæmd á mann á eigin vallarhelmingi er kostulegt og svo átti Mostar nú að fá eitt víti til þegar hann dæmdi aukaspyrnu á brot innan teigs. En mér hreinlega gæti ekki verið meira sama.

- Meðalaldur 29 ár

- Meðalaldur 21 ár