Blikar sigra! Ekki var það fallegt, en Breiðablik taka stigin þrjú. Ég þakka fyrir mig, viðtöl og skýrsla væntanleg.

Santa liggur eftir.

Blikar fá horn. Þær taka þetta stutt og eyða tíma við hornfánann.

Hrafnhildur Ása fær boltann á lofti í þröngu færi og nær lúmsku skoti sem fer rétt yfir markið.

Þær vilja meina að Emma Nicole hafi togað í hárið á Elísu. Ásbjörn Þór dæmir aukaspyrnu, en ekkert spjald fer á loft.

Þær taka þetta stutt, síðan kemur fyrirgjöf. Það er mikið klafs inni á teignum og Hrafnhildur Ása nær skoti sem fer framhjá.

Boltinn kemur inn á teiginn, þar nær Emma Nicole skalla, en að lokum bægja Blikar hættunni frá.

Þórdís Elva í fínu skotfæri, en skotið hennar er langt framhjá.

Karitas með gott skot sem Taylor ver í horn. Boltinn kemur inn á teiginn og Blikakonur ná skalla sem fer rétt yfir markið.

Þær taka þetta stutt, en ekkert verður úr þessu og Grindavík/Njarðvík fá markspyrnu.

Agla María kemur með boltann inn á teiginn og Kristín Dís stangar boltann yfir markið úr ágætis stöðu.

Boltinn kemur inn á teiginn, en Emma skallar frá.

Bæði lið eru að skiptast á að halda í boltann.

Hún fær aðhlynningu, en hún er staðin á lappir og uppsker lófaklapp frá stuðningsmönnum Breiðabliks.

Elísa Birta með frábæra fyrirgjöf sem ratar beint á pönnuna á Ellie Coffield, en skallinn hennar fer í slána og Blikar hreinsa frá.

Hrafnhildur Ása fer illa með Emmu Nicole og á svo fínt skot sem Taylor Fox handsamar í markinu.

Hrafnhildur Ása sparkar þessu í gang á ný.

Þetta hefur verið algjör einstefna hingað til. Eina skiptið sem það skapaðist hætta sóknarlega fyrir Grindavík/Njarðvík var þegar Elísa Birta átti góða fyrirgjöf sem enginn komst í. Annars hafa Blikar skapað fullt af góðum stöðum, það er með ólíkindum að þær séu ekki búnar að bæta við öðru markinu.

Elísa Birta kemur með hættulega fyrirgjöf sem Júlía Rut er hársbreidd frá að koma kollinum í. Boltinn flýgur því yfir allan pakkann.

Agla María með lúmskt og fast skot inn í teig sem Taylor ver út í teiginn. Hrafnhildur Ása var við það að komast í boltann, en þær ná að bægja hættunni frá.

Karitas klobbar eina, fer svo sjálf upp að endamörkum og kemur með fullkomna fyrirgjöf á Hrafnhildi Ásu sem er ein og óvölduð. Skot hennar er laust og Taylor Fox handsamar boltann í markinu.

Blikar að banka fast þessa stundina.

Fyrst á Þórdís Elva gott og fast skot fyrir utan teig sem Taylor Fox ver út í teiginn. Líf fylgir á eftir en Taylor ver aftur.

Agla María kemur með boltann inn á teiginn, en það er hreinsað frá.

Þórdís Elva vinnur boltann á hættulegum stað. Hún kemur boltanum á Hrafnhildi Ásu sem er ein á móti Taylor í markinu, en skotið er ekki nógu gott og Taylor sér við henni.

Hún fær boltann úti hægra megin, keyrir í átt að marki Grindavíkur/Njarðvíkur, en fyrirgjöfin ekki upp á marga fiska.

Blikar að stjórna þessum leik fyrstu 20.

Sunna Rún keyrir á vörn Grindavíkur/Njarðvíkur og sker síðan boltann út á Katelyn. Hún tekur eina snertingu og tekur síðan skot sem Taylor Fox grípur í markinu.

Bæði lið eru að skiptast á að halda í boltann.

Gestirnir byrja með boltann.

Það er allt að verða klárt á Eikarvellinum og liðin halda til búningsherbergja.

Ian Jeffs, þjálfari Breiðabliks, gerir eina breytingu á liði sínu eftir 2-0 sigur gegn Þór/KA í síðasta leik. Sunna Rún Sigurðardóttir kemur inn í liðið í stað Ólafar Sigríðar Kristinsdóttur, hún er farin til Bandaríkjanna.

Gylfi Tryggvason, þjálfari Grindavíkur/Njarðvíkur, gerir fimm breytingar á liði sínu eftir 4-2 sigur á ÍBV. Úr liðinu fara Eva Ýr Helgadóttir, Natasha Moraa Anasi, Birta Birgisdóttir, Sophia Faith Romine og Ása Björg Einarsdóttir. Inn í liðið koma markmaðurinn Taylor Fox, Katrín Lilja Ármannsdóttir, Elísa Birta Káradóttir, Júlía Ruth Thasaphong og Hrafnhildur Salka Pálmadóttir.

Breiðablik voru í forkeppni Meistaradeildar kvenna og mættu Aktobe frá Kasakstan. Blikar lentu snemma undir en Katelyn Duong svaraði um hæl stuttu síðar. Það reyndist vera eina mark Breiðabliks í leiknum og þær töpuðu í vítaspyrnukeppni þar sem ekki ein einasta spyrna fór í netið.



Breiðablik unnu þó Dinamo-BSUPC sem tryggði þeim sæti í 1. umferð Evrópubikarsins. Anna Pilipenko kom Dinamo yfir eftir 14 mínútur, en Hanna Siniauskaya fékk að líta rauða spjaldið tveimur mínútum síðar. Karitas Tómasdóttir jafnaði fyrir Blika eftir 53 mínútur. Anna Pilipenko var þó aftur á skotskónum og kom Dinamo aftur yfir. Agla María Albertsdóttir jafnaði metin á ný eftir 90 mínútna leik. Þá reyndist Agla María vera hetjan þar sem hún skoraði sigurmarkið í framlengingu. Það kom á óvart í leiknum þegar markvörðurinn Taylor Kane kom inn á sem útileikmaður eftir 82 mínútur, en hún stóð sig með prýði.

Breiðablik hafa sótt tvo leikmenn í liðið í glugganum. Það eru þær Þórdís Elva Ágústsdóttir sem hefur nú þegar spilað tvo leiki fyrir félagið og Hildur Þóra Hákonardóttir sem kom inn á í sínum fyrsta leik gegn Þór/KA.



Grindavík/Njarðvík hafa verið mjög virkar í glugganum og sótt helling af leikmönnum. Í gær nældu sér þær í markmanninn Taylor Fox sem kemur frá Minnesota Aurora og sóknarmanninn Emersen Jennings sem kemur frá Louisville háskólanum. Þær fengu einnig Júlíu Rut Thasaphong, Birtu Birgisdóttur, Hrafnhildi Sölku Pálmadóttur, Evu Ýr Helgadóttur, Hayden Colson, Söntu Saniju Vuškäne og Elísu Birtu Káradóttur.

Liðin áttust við í 7. umferð og þá voru Breiðablik með sannkallaða flugeldasýningu á JBÓ vellinum. Leikar enduðu með þægilegum 5-0 útisigri Breiðabliks. Hrafnhildur Ása Halldórsdóttir kom Blikum yfir strax eftir eina mínútu og óhætt að segja að Grindavík/Njarðvík hafi ekki séð til sólar eftir það. Katelyn Duong tvöfaldaði forystuna eftir 15 mínútna leik. Þá var Agla María Albertsdóttir tvívegis á skotskónum og LÍf Joostdóttir van Bemmel fullkomnaði frábæra frammistöðu Breiðabliks.
Lestu um leikinn

Ásmundur Þór Sveinsson er aðaldómari í kvöld. Honum til aðstoðar eru Tijana Krstic og Ingibjörg Garðarsdóttir Briem.

Elmar Svavarsson er varadómari og Jóhann Gunnarsson er eftirlitsmaður KSÍ.

Grindavík/Njarðvík fékk ÍBV í heimsókn í síðasta leik liðsins. Emma Nicole Phillips, leikmaður Grindavíkur/Njarðvíkur, fékk að spreyta sig upp á topp og olli svo sannarlega ekki vonbrigðum. Hún gerði sér lítið fyrir og skoraði öll fjögur mörk liðsins sem voru öll í fyrri hálfleik. Hægt er að sjá viðtal við hana eftir leikinn hér fyrir neðan.

Grindavík/Njarðvík hefur átt sterkt frumraunartímabil í Bestu deild kvenna. Liðið hefur komið mörgum á óvart með öflugum frammistöðum og situr í 5. sæti deildarinnar með 19 stig eftir 14 leiki. Í síðasta leik fengu þær ÍBV í heimsókn og unnu sterkt 4-2.

Blikar hafa svo sannarlega verið á fljúgandi siglingu í síðustu leikjum. Þær hafa skorað 13 mörk í síðustu þremur leikjum. Þar má nefna 7-1 útisigur gegn Val. Þær eru í harðri baráttu við FH um titilinn og bæði lið með 30 stig. Þær fengu Þór/KA síðast í heimsókn og unnu fagmannlega 2-0.

Heil og sæl lesendur góðir og verið velkomin í þessa beinu textalýsingu frá Eikarvellinum í Kópavogi. Í kvöld eigast Breiðablik og Grindavík/Njarðvík við í 16. umferð Bestu deildar kvenna.



16. umferð Bestu deildar kvenna
Miðvikudagur
19:15 Þróttur R. - Valur
19:15 Breiðablik - Grindavík/Njarðvík
19:15 Fram - FH
Fimmtudagur
18:00 ÍBV - Stjarnan
Föstudagur
18:00 Víkingur R. - Þór/KA