Sigur Keflvíkinga staðreynd í nýliðaslagnum. Viðtöl og skýsla koma inn á síðuna síðar í kvöld.

Illa farið með góðan séns hjá Þórsurum. Atli Sigurjónsson brunar upp í skyndisókn en sendingin arfaslök og Ásgeir Orri kemur boltanum frá.

Keflvíkingar skora eftir hornspyrnu en rangstaða dæmd. Mudrazija stendur fyrir Aroni BIrki í rangstöðu þegar boltinn kemur að marki.

Atli SIgurjónsson með fyrirgjöf. Ágúst í baráttu við Ásgeir og boltinn fer framhjá þeim. Elvis bjargar á síðustu stundu.

Darraðadans inn á teig Þórs. Keflvíkingar ná einhverjum þremur eða fjórum tilraunum á markið en Þórsarar voru alltaf fyrir.

Þórsarar fjölmenna í sóknina en Keflvíkingar koma boltanum frá. Marin Mudrazija kemst einn í gegn en skýtur framhjá. Illa farið með dauðafæri

Þorri með gott skot niður í fjærhornið en Ásgeir Orri er snöggur niður og nær að verja.

Fyrri hálfleik lokið. Við fengum eitt mark en fyrir utan það var þetta frekar tíðindalítið.

Alghoul með lúmskt skot og Aron Birkir nær ekki alveg tökum á boltanum. Hann nær því hins vegar áður en Keflvíkingar ná frákastinu

Bartomeu í færi en Ásgeir Orri ver vel.

Sending í gegnum vörn Þórs. Affi ætlar að negla boltanum fram en hittir hann ekki. Boltinn fer á Muhamed Alghoul sem var ekki tilbúinn og móttakan ekki góð. Færið rennur út í sandinn.

Þorri Ingólfsson með fyrirgjöf, það eru nokkrir Þórsarar inn á teignum en fyrirgjöfin slök og boltinn fer afturfyrir.

Ásgeir Orri Magnússon svolítið kærulaus á boltanum. Bartomeu hársbreidd frá því að komast í hann en Ásgeir rétt náði að losa sig við hann.

Dagur Ingi Valson kemst í skotin en auðvelt fyrir Aron Birki.

Fín sókn hjá Keflvíkingum. Marin Mudrazija skallar boltann fyrir fætur Sindra Snæs Magnússonar en hann á slakt skot vel framhjá

Besta færi leiksins til þessa. Ágúst Hlyns með fyrirgjöf og Victor Bertomeu skallar framhjá

Fannar Daði nálægt því að koma sér í gott skotfæri inn á teignum en Keflvíkingar koma þessu í horn.

Ekkert kom út úr horninu. Það eru einhver veik köll úr stúkunni eftir hendi. Ekkert dæmt

Gestirnir koma þessu af stað

Mér finnst Þór yfir 1,5 mörk á Epic á 1.8 á heimavelli mjög vel boðið.

— Kristalkúlan (@kristalkulan) August 15, 2026

Liðin eru að ganga út á völl. Þetta er að bresta á!

Ásbjörn Líndal Arnarsson og Þorri Ingólfsson koma inn í lið Þórs fyrir Birgir Ómar Hlynsson og Einar Frey Halldórsson. Einar meiddist í tapinu gegn ÍA í síðustu umferð og er ekki í hópnum í dag.

Muhamed Alghoul, Marin Mudrazija, Marin Brigic og Eiður Orri Ragnarsson koma inn í liðið hjá Keflavík frá tapi gegn Stjörnunni í síðustu umferð.

Stefan Ljubicic, Ernir Bjarnason, Egill Valur Karlsson og Alpha Conteh, sem tekur út leikbann, detta út úr liðinu. Stefan Ljubicic er ekki með þar sem hann meiddist gegn Stjörnunni. Þá er Þorlákur Breki Baxter enn fjarverandi vegna meiðsla sem hann varð fyrir í upphitun gegn Stjörnunni.

Byrjunarlið Þór
1. Aron Birkir Stefánsson (m) (f)
2. Ásbjörn Líndal Arnarsson
5. Yann Emmanuel Affi
6. Gyrðir Hrafn Guðbrandsson
9. Victor Bertomeu
16. Bjarni Guðjón Brynjólfsson
17. Fannar Daði Malmquist Gíslason
22. Ágúst Eðvald Hlynsson
23. Kevin Vazquez Comesaña
25. Christian Jakobsen
35. Þorri Ingólfsson

Byrjunarlið Keflavík
1. Ásgeir Orri Magnússon (m)
3. Axel Ingi Jóhannesson
4. Ígnacio Heras Anglada
6. Sindri Snær Magnússon (f)
7. Dagur Ingi Valsson
11. Muhamed Alghoul
14. Marin Mudrazija
17. Baldur Logi Guðlaugsson
20. Marin Brigic
22. Ásgeir Páll Magnússon
23. Eiður Orri Ragnarsson

Karl Ágúst Karlsson, skoraði fyrra mark HK í 2-1 sigri á Leikni í vikunni. Hann er spámaður umferðarinnar að þessu sinni.

Þór 1-1 Keflavík
Þórsarar byrja vel og skora snemma og eru alveg við það að ná að halda þetta út en Keflvíkingar ná að koma einu inn í endan og leikurinn endar með jafntefli.

Pétur Guðmundsson verður með flautuna í dag. Patrik Freyr Guðmundsson og Antoníus Bjarki Halldórsson verða honum til aðstoðar. Ásmundur Þór Sveinsson er fjórði dómari og Vilhelm Adolfsson er eftirlitsmaður KSÍ.

Keflavík er liðið sem hefur komið hvað mest á óvart. Liðið situr í 7. sæti með 22 stig. Alpha Conteh er í banni í dag eftir að hafa fengið rautt spjald í tapi gegn Stjörnunni í síðustu umferð. Liðið enduheimtir hins vegar Eið Orra Ragnarsson og Marin Brigic úr leikbanni.

Þórsarar hafa verið að rétta úr kútnum eftir að hafa farið í gegnum ellefu leiki í röð án þess að vinna. Liðið hefur nælt í sjö stig úr síðustu fjórum leikjum. Þór kemur inn í leik dagsins með tap gegn ÍA á útivelli á bakinu. Liðið situr á botninum með 15 stig.

Verið velkominn í nýliðaslaginn milli Þórs og Keflavík í Bestu deildinni. Leikurinn fer fram á VÍS vellinum á Akureyri.