Víkingar fara hér með öflugan sigur af hólmi! Stöðva níu leikja hrinu FH án taps.

Viðtöl og skýrsla væntanleg í kvöld.

Gylfi Þór tíaður upp í skot rétt fyrir utan teig og skotið er rétt framhjá. Víkingar fá þó hornspyrnu svo hann hefur haft viðkomu við annaðhvort Jökul eða varnarmann.

Helgi Guðjóns með skot líklega frekar en fyrirgjöf sem fer framhjá markinu.

Aron Elís með tilraun á teignum eftir fyrirgjöf en Jökull ver.

Gylfi Þór að koma sér í skotfæri en skotið er hátt yfir markið.

Búin að fá þrjú afbragðsfæri á þessum rúmu tveimur mínútum sem hann hefur verið inná!
Fær núna boltann inni í teig en dregur hann framhjá markinu á nærstöng vinstra megin í teignum.

Víkingar sækja og finna Svein Margeir inni á teignum einn á móti Jökli en Jökull étur hann!

Sveinn Margeir fær boltann úti hægra megin og reynir skot sem fer rétt framhjá markinu.

Vandræðagangur í öftustu línu FH en Víkingar ná ekki að refsa.

FH reynir að finna leiðir á bakvið vörn Víkinga en Víkingar hafa staðist það til þessa.

Flott sókn hjá Víkingum, þríhyrningur úti hægri og koma með fastan bolta fyrir markið en Jökull í marki FH gerir frábærlega. Hrannar Snær var mættur á fjær.

Stígur Diljan með tilraun fyrir utan teig yfir markið.

Ísak Óli með tilraun yfir markið eftir hornspyrnuna.

Gils Gíslason að vinna hornspyrnu fyrir FH.

Gils verið líflegur eftir að hann kom inná.

Fínasta tilraun úr aukaspyrnunni hjá FH og Aron Snær slær boltann framhjá.

Gylfi með tilraun fyrir utan teig sem fer af varnarmanni og í boga rétt yfir markið.

Víkingar sparka þessu af stað aftur í seinni.

Víkingar heilt yfir verið betri í þessum fyrri hálfleik þó að FH hafi átt flottar rispur inn á milli og náð meðal annars forystu.

Ég er nokkuð viss um að við fáum hörku seinni hálfleik hérna en fyrst tökum við okkur korter áður en við snúum aftur með seinni.

Ármann Ingi með flottan bolta fyrir markið og Niko Hansen með skalla rétt framhjá.

Kjartan Kári með sendingu fyrir markið ætlaða Guðmundi Andra sem rennir sér í boltann en nær ekki miklum krafti í tilraunina og Aron Snær í marki Víkinga ekki í neinum vandræðum með þetta.

Stígur Diljan með skot sem er ekki fast og fer beint á Jökul í marki FH.

Víkingar eru að leita leiða í gegnum þéttan varnarmúr FH en eru ekki að finna glufurnar.

FH aðeins að ná að tengja saman fleiri sendingar og eru að hægt og rólega að komast í smá takt við leikinn.

Stígur Diljan keyrir upp völlinn og er með Ármann Inga galopin með allan völlinn fyrir framan sig til hægri en bíður alltof lengi á boltanum og reynir svo að finna Valdimar Þór til vinstri sem er flaggaður rangstæður.

FH sækja sína fyrstu hornspyrnu í leiknum. Ýttu vel upp og Kjartan Kári á fyrirgjöf sem Víkingar skalla í horn.

Sex hornspyrnu frá Víkingum en þeir hafa þó lítið ógnað úr þeim til þessa.

Guðmundur Andri brotlegur í baráttu við Valdimar Þór en sleppur við spjald. Fór undir hann í loftinu og Valdimar Þór fékk smá skell.

Víkingar fengið einhver fjögur horn á fyrstu fimm mínútum leiksins.

Oliver Ekroth með tilraun yfir markið eftir horn.

Víkingar sækja fyrsta horn leiksins, Davíð Örn Atlason með fyrirgjöf sem fer af varnarmanni og afturfyrir.

Það eru FH-ingar sem sparka okkur af stað.

Byrjunarliðin eru klár og má sjá þau hér til hliðar.

FH gera þrjár breytingar á liði sínu sem vann KA í síðustu umferð. Inn koma Grétar Snær Gunnarsson, Guðmundur Andri Tryggvason og Arngrímur Bjartur Guðmundsson fyrir Jóhannes Kristinn Bjarnason, Tómas Orra Róbertsson og Arnór Borg Guðjohnsen.

Víkingar gera þá tvær breytingar á sínu liði frá sigurleiknum gegn Thun á fimmtudaginn. Inn koma Nikolaj Hansen og Davíð Örn Atlason fyrir Aron Elís Þrándarson og Karl Friðleif Gunnarsson.

FH er það lið í Bestu deildinni sem hefur leikið hvað flesta leiki í röð án þess að tapa. Síðasti tapleikur liðsins kom gegn ÍA þann 29. maí.

Síðan þá hefur Fimleikafélagið spilað níu leiki í deildinni, gert sex jafntefli og unnið þrjá þeirra.

Karl Ágúst Karlsson, skoraði fyrra mark HK í 2-1 sigri á Leikni í vikunni. Hann er spámaður umferðarinnar að þessu sinni.



FH 1-2 Vikingur
Vikingar spila sinn frábæra fótbolta og komast snemma yfir í leiknum, Stígur skorar og Hrannar skorar líka sitt fyrsta mark. Kristján Snær minnkar muninn með stóðsendingu frá Birki Val.

Þessi lið hafa mæst 82 sinnum í mótsleik á vegum KSÍ samkv. nýjum vef KSÍ.

FH hefur 28 sinnum hrósað sigri og gerðu það síðast í Pepsi Max deildinni 2020 þegar þeir höfðu betur 1-0 hér á Kaplakrikavelli.

Víkingur hafa 32 sinnum hrósað sigri og gerðu það síðast í fyrri umferðinni í Bestu deild karla í ár með 5-0 sigri.

Liðin hafa þá 22 sinnum skilið jöfn og gerðist það síðast á síðasta tímabili þegar þau skildu jöfn 2-2 á þessum velli.

FH hafa verið á flottu róli síðustu vikur og eru taplausir í síðustu 9 leikjum sínum í deildinni eða hafa ekki tapað frá því í lok maí þegar þeir lutu í lægra hald gegn ÍA.

FH tókst í síðustu umferð að lyfta sér upp úr fallsæti með góðum sigri fyrir norðan þegar þeir unnu KA 1-0.
Formtaflan í síðustu fimm leikjum segir okkur að FH hefur sótt 9 stig af síðustu 15 mögulegum.

Víkingar unnu gríðarlega öflugan 3-2 sigur á Thun frá Sviss á fimmtudaginn sl. í forkeppni Evrópudeildarinnar en féllu þó úr leik gegn þeim 5-3 samanlagt og fara í umspil fyrir sæti í Sambandsdeildinni.

Í deildinni hafa Víkingar aðeins verið að hiksta og aðeins sótt 8 stig af síðustu 15 stigum mögulegum. Víkingar hafa gert jafntefli í síðustu tveim leikjum sínum gegn ÍBV 2-2 og gegn ÍA 2-2.

Skildi þó ekki vera að við séum að fá spennu í Íslandsmótið?

Jóhann Ingi Jónsson er á flautunni í kvöld og honum til aðstoðar verða Ragnar Þór Bender og Eðvarð Þór Eðvarðsson.
Hreinn Magnússon er á skiltinu góða og til taks ef eitthvað fer úrskeiðis hjá teyminu.
Gylfi Þór Orrason er svo eftirlitsmaður KSÍ.

Verið hjartanlega velkomin í þessa þráðbeinu textalýsingu frá leik FH og Víkings í Bestu deild karla sem fram fer á Kaplakrikavelli.


sunnudagur 16. ágúst

Besta karla
18:00 KR-Breiðablik (Meistaravellir)
18:00 FH-Víkingur R. (Kaplakrikavöllur)
18:00 ÍBV-ÍA (Hásteinsvöllur)

mánudagur 17. ágúst

Besta karla
18:00 Valur-KA (N1-völlurinn Hlíðarenda)
19:15 Fram-Stjarnan (Lambhagavöllurinn)