Arngrímur Alex Ísberg Birgisson @fotboltinet

- Meðalaldur 25 ár

- Meðalaldur 24 ár

Hvað réði úrslitum? Þróttur var betri aðilinn lengst af. Fylkir átti nokkrar mínútur þar sem þeir náðu að herja á Þrótt, en gerðu ekkert með færin sem þeir fengu. Fyrir utan þessar fáu mínútur var Þróttur betri aðilinn og óheppinn að hafa ekki skorað fleiri mörk. Þróttur átti fyrri hálfleikinn og ég var farinn að óttast að Þórhallur, markvörður Þróttar, væri hreinlega farinn að sofa þar sem hann þurfti lítið sem ekkert að gera. Bestu leikmenn 1. Aron Snær Ingason (Þróttur) Var langbestur á vellinum í dag. Herjaði á Fylki allan leikinn og hætti aldrei að hlaupa, meira að segja þegar komið var í uppbótartíma í seinni hálfleik. Þetta er maskína. Ef hann er ekki í Bestu deildinni næsta sumar þá spyr ég hvað sé að. 2. Sigurður Egill Lárusson (Þróttur) Byrjaði leikinn með látum. Annars er gott að sjá hann vera kominn aftur á völlinn. Hann var öruggur í sínu í dag og gerði mjög vel. Líklega besta mark sumarsins, ef ekki að minnsta kosti í topp fimm. Gef líka smá lof á Kára Sigfús, hann breytti miklu hjá Fylki en það var ekki nóg. Atvikið Þegar Sigurður Egill skorar þá opnast flóðgáttirnar. Fylkir reyndi að sækja en gekk illa og það voru stór svæði að opnast fyrir Þrótti. Heimamenn náðu þó ekki að nýta öll færin sem þeir fengu og hefðu átt að skora fleiri mörk í dag.

Hvað þýða úrslitin? Þróttur er kominn í 1. sæti Lengjudeildarinnar á meðan Fylkir situr í 3. sæti. Þetta er samt langt frá því að vera búið, þrír leikir eru eftir og allt getur enn breyst. Vondur dagur Arnór Breki lenti mest í baráttunni við Aron Snæ og átti erfitt með hann. Aron ýtir honum frá sér í seinna marki Þróttar og Arnór á mögulega að gera betur þar. Arnór fær svo gult spjald á 88. mínútu fyrir að rífa Aron niður og það segir allt um hvernig þessi barátta þeirra á milli var í dag. Dómarinn - 7 Þetta var ágætt, nokkrir skrýtnir dómar en ekki eitthvað sem myndi breyta leiknum.

- Meðalaldur 24 ár

- Meðalaldur 23 ár