SKÝRSLAN: Varamennirnir skópu sigurinn
Hvað réði úrslitum?
Ákefðin, baráttan og viljinn í Stjörnunni til þess að koma og sigra var upp á tíu í dag. Ákefðin var einnig til staðar hjá Blikum en allt kom fyrir ekki.
Bestu leikmenn
1. Bridgette Nicole Skiba
Hún var mögnuð í kvöld. Öryggið uppmálað í öllum sínum aðgerðum og varði nokkrum sinnum meistaralega.
2. Vigdís Edda Friðriksdóttir
Alvöru leikbreytir. Kom inn á og gerði gæfumuninn.
Atvikið
Annars vegar þegar Blikar vildu víti í fyrri hálfleik. Þær virtust hafa talsvert til síns máls. Ian Jeffs var einnig ósáttur með dóminn. Hins vegar þetta mikilvæga mark sem Vigdís Edda skorar.
Hvað þýða úrslitin?
Blikar fara á mis við mikilvæg stig í toppbaráttunni. Stjarnan vinnur sætan sigur og koma sér upp í 3. sæti, en Eyjakonur eiga leik til góða. FH getur jafnað Breiðablik að stigum með sigri á Víkingum.
Vondur dagur
Engin sem átti vondan dag per se, en Blikakonur hefðu getað gert betur sem lið í báðum mörkunum. Við tökum samt ekkert af Stjörnukonum.
Dómarinn - 5
Stefán dæmdi leikinn að mörgu leyti ágætlega. Hins vegar hefði hann líkast til átt að dæma vítaspyrnu sem hefði breytt gangi leiksins.