Gestirnir frá Bosníu og Hersegóvínu voru ansi þægilegir í sínum varnarleik og Víkingum tókst nánast aldrei að láta gestunum líða illa. Kraftleysi, deyfð og hægt spil einkenndi Víkinga, sérstaklega í fyrri hálfleik. Víkingur er með sinn leikstíl og það var ekkert mál að lesa þeirra aðgerð þar sem tempóið og krafturinn og hraðinn var of lítill. Fyrsta kom eftir vel útfærða skyndisókn og eftir það varð þetta enn þægilegra.

Þriðja mark Borac, algjör rýtingur og eina almennilega sókn gestanna í seinni, kemur eftir ódýra aukaspyrnu, frábæra vörslu Arons en svo ljótt mark eftir hornspyrnuna.

Víkingur er í tveggja marka holu fyrir seinni leikinn sem fer fram ytra eftir viku í miklum hita og á venjulegu grasi. Erfitt verkefni en mér finnst þetta Borac lið ekki frábært og þetta er ekki óvinnandi.

Mér fannst eiginlega bara ekkert ganga vel hjá Víkingi, kannski er maður full neikvæður en þetta var ekki gott. Það var ekkert sem stóð upp úr í að vera skárra en annað, menn að klikka á einföldum sendingum og illa framkvæmdar aðgerðir. Lélegt kvöld í Víkinni.

Ég veit ekki með þessi brot og ekki brot í föstu leikatriðum Víkings. Allir að halda í alla en leið eins og Karl Friðleifur hefði átt að fá a.m.k. eitt víti þegar honum var snúið niður.