Frábær sigur hjá nýliðunum í kvöld!

Þær héldu bara áfram og áfram og Fram náðu hreinlega ekki að setja mark sitt á leikinn!

Takk fyrir samfylgdina,
Viðtöl og skýrsla kemur inn síðar í kvöld!

Emma Fanndal með flotta sendingu upp á Ásu, fær hann svo aftur og á hörkuskot á markið en Ashley ver þetta frábærlega

A.m.k. 3 mínútum bætt við

Emersen með fínustu fyrirgjöf en þær ná að skalla þetta frá

Brookelyn gerir vel fyrir Fram, kemur svo boltanum inn á teiginn, þar er Taylor mætt en með bakið í markið og hún nær hvorki að snúa með hann eða gefa hann út. Boltinn berst svo út til Unu Rósar sem reynir skot af löngu færi en Stephanie nær því.

Katrín brýtur af sér við vítateigshornið, Ellie setur hann bara á markið og hann skellur í stönginni!

Sophia með hööööörkuskot en Ashley með vörslu úr efstu hillu!

Sophia með fína sendingu upp á Emersen, sem tekur boltann með sér og reynir síðan skotið en Ashley á ekki vandræðum með það.

Una með hættulega hornspyrnu, Stephanie missir af boltanum en það er engin sem nær að komast almennilega í hann og sóknin rennur út í sandinn

Una Rós með fyrirgjöf utan af kanti sem lendir rétt ofan á markinu, munaði minnstu að þessi hefði hreinlega farið bara í samskeytin

Elísa Birta með frábæra fyrirgjöf sem rennur fyrir markið en það er engin mætt fyrr en Ása kemur á rosalegu hlaupi en þá er færið orðið alltof þröngt og hún setur hann framhjá

Alda fær sendingu í gegn, Hannah eltir hana þó uppi og pressar, boltinn berst til Söru sem klappar boltanum og snýr varnarmönnum Gri/Nja í heldur of marga hringi, þar sem skotið var síðan laflaust, þær þurfa að gera betur í svona stöðum

Emersen með fína takta upp við endalínu, nær síðan stórhættulegri fyrirgjöf sem Sophia er hársbreidd frá því að ná að pota inn, Ashley hins vegar kemst í boltann á undan

Ellie Coffield með horn en ekkert kemur úr því

Júlía Ruth kemur sér í hörkufæri en Framkonur eru fljótar að koma sér fyrir og Júlía aðeins of lengi að athafna sig og skýtur í varnarmenn Fram

Sara Svanhildur tekur aukaspyrnu út á velli, setur hana á markið en ekkert kemur úr þessu

Taylor Marie fellur um Natöshu í teignum, áhorfendur Fram kalla víti en þetta var bara fín tækling hjá Natöshu

Sara Svanhildur tekur fyrsta hornið fyrir Fram, setur það á mðjan teiginn en Emma Phillips kemur þessu frá

Þetta hefur farið hægt af stað

Alda Sparkar þessu aftur af stað fyrir okkur

Anton Ingi gerir tvær breytingar í hálfleik

Grindavík/Njarðvík leiða hér 1-0 í hálfleik

Heimakonur hafa verið betri aðilinn heilt yfir en Framkonur hafa alveg verið að gefa leik og það má ekki gleyma Taylor Marie í eina sekúndu, hún getur heldur betur refsað.

Við tökum okkur annars smá pásu og mætum svo vonandi í enn betri seinni hálfleik!

Júlía með höööörkuskalla á markið sem Ashley þarf að hafa sig alla við að ná, Sophia var svo alveg tilbúin að pota boltanum inn, hefði hún misst hann

Ágætis sókn hjá Fram, Katrín S. með fínan bolta fyrir og svo er Freyja með annan bolta fyrir en þær ná ekki að ógna í teignum

Einhver misskilningur hjá Stephanie og Natöshu og þetta er hættulegt! En hún nær að setja boltann útaf og bjarga sér fyrir horn

Ellie með hörkuskalla en Ashely sem fyrr nær að grípa þetta

Natasha með frábæra skiptingu yfir, finnur þar Sophia sem tekur eina bestu snertingu sem ég hef séð í sumar og reynir að leggja hann en Ashley leggst og handsamar boltann

Úffffff, Ellie Coffield finnur Ásu Björg sem setur boltann fyrir, þar lúrir Júlía Ruth en skallinn frá henni rétt framhjá! Þarna var tækifæri til að tvöfalda

Framkonur frá aukaspyrnu við vítateigshornið hægra megin, Harpa tekur þetta en það fer hátt yfir markið

Natasha fellur við og Stephanie alveg úr stöðu svo það leit út fyrir að Taylor Marie kæmist ein í gegn og leggði boltann í autt markið þær voru þó báðar fljótar að átta sig og Taylor klaufi! svo ekkert verður úr þessu!

Ása Björg fær fínast bolta, er komin í góða stöðu en Harpa með frábæran varnarleik kemst fyrir hana

Hannah fellur við og brýtur svo af sér. Júlía Margrét tekur spyrnuna en ekkert kemur úr þessu

Birta er með aukaspyrnu utan af vinstri kantinum, Þrumar honum fyrir en Taylor Marie er sterk og skallar þetta frá

Taylor Marie kemur sér í frábæra stöðu en færið er heldur þröngt og hún setur boltann í hliðarnetið en líklega hættulegasta færið hingað til

Ása Björg með fínustu tilraun af fyrirgjöf en Ashley er í stuði í dag og grípur þetta

Sara Svanhildur kemur sér í góða stöðu en flaggið góða fer á loft!

Taylor Marie, pressar hér tvisvar í röð markmanninn hjá Gri/Nja hana Stephanie, og hún endar á að setja hann útaf. Þær ætla greinilega að færa sig ofar

Hrafnhildur brýtur svo af sér á sama stað, Harpa setur þetta fram en hún var ekki alveg að vanda sig nægilega

Katrín Erla fer harkalega í Hrafnhildi Sölku en ekkert dæmt og þær fá innkast

Isabelle brýtur á Júlíu, út á kannti, Birta þrumar þessu fram en Ashley er vel vakandi og grípur þetta fyrsta allra

Birta Birgisdóttir tekur horn fyrir Gri/Nja, setur hann í svæðið þar er Sophia mætt í baráttuna en Ashley nær hins vegar að kýla boltan frá

Eliie Coffield með fínan bolta á teiginn þar sem Hannah nær skallanum en hann er ekki nógu fastur og Ashley grípur hann örugglega í markinu

Þær reyna að finna Ásu innfyrir en flaggið fer á loft

Katrín fær boltan í hendina við miðjubogann, þær setja þetta á teiginn en ekkert kemur úr því.

Júlía Ruth sparkar leiknum af stað fyrir okkur

Liðin eru komin á völlinn og þetta er allt eftir áætlun!
Grindavík/Njarðvík eru hvítar-svartar-hvítar og Framkonur eru bláar-hvítar-bláar

Grindavík/Njarðvík
Gylfi gerir 5x breytingar á liði sínu frá 0-1 tapinu gegn Breiðablik í síðustu umferð. Í markið kemur glænýi markmaðurinn Stephanie Bukovec, Natasha, Birta, Sophia og Ása en úr liðinu fara þá Taylor Fox, Katrín Lilja, Emma, Hayden og Hildur Katrín er farin aftur í FH

Fram
Anton gerir einnig 3x breytingar á sínu liði. Inn í liðið koma Alda, Freyja Dís og Harpa en úr liðinu fara Una Rós, Hlín og fyrirliðinn Hildur María sem er í banni

Valgerður Ósk Valsdóttir, leikmaður Hauka, spáir í leikina sem eru framundan.


Grindavík/Njarðvík 4 - 2 Fram
Þetta verður fjörugur leikur og mikið af mörkum. Grindavík/Njarðvík eru sterkar á heimavelli og taka þetta 4-2. Fram munu hins vegar ekki gefa neitt eftir og verður staðan 3-2 þangað til Grindavík/Njarðvík skorar fjórða markið á 88 mínútu leiksins. Alda mun skora sitt níunda mark í deildinni, Harpa Helgadóttir skorar eftir að hafa setið hjá í seinustu umferð, og við hljótum að fá allavegana eitt mark frá Emma Nicole Philips.

Liðin hafa mæst tvisvar áður í sumar, þá í deild og bikar.

Þær mættust í deildinni þann 13. júní sl. þar sem Grindavík/Njarðvík fór með 0-2 sigur á hólmi með mörkum frá Ellie Coffield og Tinnu Hrönn Einarsdóttur



Þá mættust liðin einnig í undanúrslitum Mjólkurbikarsins þann 27. júlí þar sem Grindavík/Njarðvík fóru með 0-3 sigur af hólmi með mörkum frá Hildi Katrínu, Hönnuh og Natöshu.

Framkonur hafa því klárlega harma að hefna hér í kvöld.

Framkonur sitja fyrir þennan leik í 8. sætinu með 16 stig. Þremur stigum á eftir Grindavík/Njarðvík í 5. sætinu og tveimur stigum á eftir Þór/KA og Þrótti í 6. og 7. sætinu. Þær hafa svo einnig þriggja stiga forskot á Val sem situr í 9. sætinu.

Fram konur mættu FH á heimvelli í síðustu umferð þar sem þær töpuðu 4-6 gegn FH í ótrúlegum leik. Þar á undan töpuðu þær 2-0 gegn Þór/KA fyrir norðan sem batt enda á sigurgögnu þeirra í deildinni eftir hlé en þær höfðu unnu 4 leiki í röð og komið sér úr fallbaráttunni.

En það er heldur betur stutt á milli og töpuð stig í tveimur leikjum hefur sett þær aftur í fallbaráttu þær hljóta því að koma inn í þennan leik með það hugarfar að sigur sér algjör skylda ef þær ætla að gera tilraun til að komast í efri hlutann fyrir skiptinguna.

Nýliðarnir í Grindavík/Njarðvík sitja fyrir þennan leik í 5. sætinu með 19 stig. Einu stigi á undan Þór/KA og Þrótti í 6. og 7. sætinu.

Þær mættu Breiðablik í síðustu umferð á Eikarvellinum þar sem þær lutu í lægra haldi 1-0. Fyrir það hins vegar sóttu þær frábæran 4-2 sigur á ÍBV í nýliðaslag þar sem Emma Philips skoraði fernu!

Þær vilja eflaust byggja á fínustu frammstöðum í síðustu leikjum og sækja sigur hér í kvöld á heimavelli. Það hjálpar allavega helling í baráttunni við að enda í efri hlutanum og gulltryggja veru sína í deild þeirra bestu á næsta ári!

Á flautunni í dag verður Hallgrímur Viðar Arnarson og honum til halds og trausts verða Óliver Thanh Tung Vú og Elías Baldvinsson aðstoðardómarar.

Fjórði dómari er Guðmundur Halldórsson og eftirlitsmaður í kvöld er Kristján Halldórsson.

Verið hjartanlega velkomin í þessa textalýsingu þráðbeint frá JBÓ vellinum þar sem Grindavík/Njarðvík tekur á móti Fram í 17. umferð Bestu deildarinnar.

Leikurinn hefst á slaginu 18:00!