SKÝRSLAN: Slakir Gróttumenn sáu ekki til sólar
Hvað réði úrslitum?
ÍR spilaði einfaldlega frábæran leik á báðum endum vallarins. Þeir skora þrjú góð mörk og nýttu færin frábærlega. Varnarlega voru þeir mjög öruggir, þrátt fyrir þetta eina mark. Það hjálpaði líka ÍR-ingum að mótspyrnan í dag var afskaplega lítil og Grótta gerði ekki neitt fram á við fyrir utan markið. ÍR áttu svo sannarlega skilið stigin þrjú og mikilvæg voru þau.
Bestu leikmenn
1. Guðjón Máni Magnússon
Guðjón skorar tvö frábær mörk með tveimur frábærum skotum fyrir utan teig. Virkilega góður og auðveldlega valin maður leiksins.
2. Óliver Andri Einarsson
Það áttu allir leikmenn ÍR góðan leik hér í dag, en Óliver Andri skoraði fyrsta mark leiksins og átti stóran þátt í örðu marki ÍR.
Atvikið
Þriðja mark ÍR kláraði í rauninni leikinn, ÍR hafði verið betra liðið mest allan leikinn og ef það var einhver von fyrir Gróttu þá dó hún þegar þriðja markið leit dagsins ljós.
Hvað þýða úrslitin?
Þessi sigur ÍR-inga er virkilega mikilvægur fyrir þá í fallbaráttunni. Með sigrinum fer liðið upp fyrir Vestra í 8. sætið með 25 stig. Grindavík, Vestri og Völsungur eiga þó leik til góða og geta komið stöðunni til baka eins og hún var. Grótta fara hvorki upp né niður, en þetta tap minnkar möguleika þeirra á því að ná umspilssæti.
Vondur dagur
Andri Freyr Jónasson átti slakasta leikinn af mörgum slökum frammistöðum í Gróttuliðinu í kvöld. Andri spilaði sem fremsti maður hjá Gróttu í dag og komst aldrei í takt við leikinn.
Dómarinn - 8
Leikurinn var vel dæmdur inn á vellinum og Hreinn hafði góð tök á því sem gekk á í kvöld. Það var rangstöðu lykt af öðru marki Gróttu en það var erfitt að sjá, svo teymið fær góða einkunn fyrir sína frammistöðu.