FH tapar sínum öðrum leik í röð hér á heimavelli.

Víkingar hins vegar að fá gríðarlega mikilvæg stig í botnbaráttunni! Frábærlega vel gert hjá þeim í kvöld!

Takk annars fyrir samfylgdina! Viðtöl og skýrsla kemur ínn síðar í kvöld

Víkingar eru bara nálægt því að gera útum leikinn, Thea skýlir boltanum og nær svo að renna honum fyrir markið en þær rétt missa af honum

A.m.k 5 mínútur í uppbótartíma og áhorfendur beggja liða hvetja sitt lið áfram

Ingibjörg kemst í gott hlaup en Áslaug Dóra passar að ekkert gerist!

Andrea Rán reynir skot utan af kanti en Telma er með þetta!

Bergdís fellir Helenu inn í teig! Úfffff þetta er slæmt fyrir Víkinga

Helena reynir skot af miðjum vallarhelmingi Víkings en það er alltof laust, það var ákveðin uppgjöf í þessu

Víkingar fá horn og svo annað horn, taka seinna hornið stutt, bolti inn í en Steinunn nær honum svo

boltinn inn fyrir og Helena Ósk með rosalegan sprett, hægir þó aðeins á sér og varnarmenn FH ná til hennar áður en hún nær að athafna sig eitthvað

Hildur Katrín með horn fyrir FH en ekkert kemur úr því

Ingibjörg með ágætis tilraun en Telma grípur þetta örugglega

Arna Ísold reynir skot af löngu færi en þetta er bara æfingabolti fyrir Steinunni

Það virðist vera voða sambandsleysi í fremstu víglínu hjá FH, þær eru alveg úr takti, missa boltann og senda skrítnar sendingar á síðasta þriðjung

Arna Ísold næli í horn fyrir Víkinga, Þórdís Hrönn tekur hornið, hann dettur á teiginn berst út og svo aftur inn á teiginn og FH konur eru stálheppnar að vera ekki tveimur mörkum undir!

Helena með fínustu tilraun en Telma skutlar sér niður og nær honum

Bergdís með horn fyrir Víking en það fer ofan á þaknetið

Nia með lúmskt skot sem Telma missir í gegnum sig en nær honum aftur áður en hann rúllar inn

Ásdís Karen nælir í horn fyrir FH en þær ná ekki að gera sér neinn mat úr henni

Hildur Katrín tekur hornspyrnuna en ekkert kemur úr henni

Helena með höööörkuskot sem Telma þarf að hafa sig alla við að verja!

Birna Kristín reynir skot af löngu færi en það er hátt yfir

Hildur Katrín og Ingibjörg spila úr horninu, Hildur reynir svo að koma honum áfram en gengur ekki

Ingibjörg á hlaupinu reynir að koma sér í betri stöðu en Kristín Erla með frábæra tæklingu

Darraðardans í teig Víkings, endar með skoti frá Helenu en aftur ver Telma vel

Hildur Katrín með frábæran sprett finnur svo Ásdísi Karen sem lætur bara vaða en Telma með frábæra vörslu!

Nia og Hrönn sparka þessu aftur af stað fyrir okkur

Nokkuð óvænt kannski þá leiða Víkingar

FH konur hafa vaðið í hálffærum en hafa hingað til ekki haft herslumuninn til að ná inn jöfnunarmarkinu! Eitt mark er þó svakalega lítið í fótbolta!

Víkingar hins vegar eru vel að þessu komnar, þær hafa verið að ógna líka og haldið sóknarmönnum FH í skefjum

Ásdís Karen tekur spyrnuna en hún er hátt yfir markið

hár bolti fram frá FH sem Nia reynir að pressa en Telma er mættust, pikkar hann upp og stendur svo bara eins og klettur þegar Nia nær ekki að stoppa og lendir á henni

FH enn að ógna, Nia nær að koma sér í góða stöðu, klappar boltanum aðeins og mikið en boltinn berst svo til Ásdísar Karenar en Emma kemst í boltann á undan

Helena tekur hornið fyrir FH, setur hann á miðjan teiginn þar sem Ásdís nær að flikka honum en Ingibjörg svo rétt missir af honum

Víkingar með tvær hornspyrnur í röð svo sem enda þó með sendingu frá Þórdísi Hrönn útfyrir endalínu

Þá munaði nú bara litlu að Víkingar næðu að tvöfalda, Jasmín nær að setja boltann yfir Steinunni, en Deja kemur boltanum frá markinu

Ásdís Karen reynir skot af löngu færi en Telma grípur þennan örugglega

FH konur komast á rönnið, þær eru þrjár á þrjár, Ingibjörg reynir að setja hann fyrir en of aftarlega fyrir bæði Niu og Ásdísi og skyndisóknin rennur út í sandinn

Brotið á Ingibjörgu á miðjum vallarhelmingi Víkings, Helena tekur spyrnuna sem fer bara í gegnum allan pakkann og út fyrir endalínu á fjær

Nia nælir í horn fyrir FH, Helena og Ingibjörg taka þetta stutt, en þetta heppnast ekki nægilega vel hjá þeim

Birna Kristín brýtur af sér og er heppin að sleppa við spjald, þær voru við það að sleppa í skyndisókn

Ingibjörg með rosalega takta nær að setja svo frábæran bolta fyrir markið en Emma Steinsen rétt nær að passa að Ásdís Karen setji ekki boltann í opið markið

Bergdís með aukaspyrnu á miðjum vallarhelmingi FH setur boltann í hlaupaleiðina á nær, hann dettur þar niður áður en Steinunn í markinu nær honum.

Dagný reynir að stinga boltanum inn á Þórdísi Hrönn en boltinn aðeins of fastur

Nia reynir skotið af vinstra vítateigshorninu en Telma sér við henni

Ásdís Karen með fínustu tilraun af markteignum en skotið er framhjá

Hafrún Birna tekur horn fyrir FH, setur hann á fjær þar sem Deja nær skallanum en hann er rétt framhjá

Ásdís Karen með hörku sendingu á Niu en hún eiginlega bara hittir ekki boltann 3 metrum frá markinu!

Ingibjörg fínan sprett, nær að setja boltann fyrir en Ásdís Karen og Nia ekki nógu grimmar í teignum

Aftur kemst Þórdís Hrönn í frábæra stöðu en skotið hennar er beint á Steinunni í markinu, þarna hefði hún átt að gera betur

Víkingar eiga fyrstu sóknina, Þórdís Hrönn fær sendingu upp í horn, þar nær hún að athafna sig og kemur boltanum svo fyrir en þær ná ekki skallanum á markið

Jasmín sparkar þessu af stað fyrir okkur

Liðin eru komin út á völl og þetta fer að detta í gang!

FH
Bræðurnir Guðni og Hlynur gera 5x breytingar á liði sínu frá 0-3 tapinu gegn Breiðablik í síðasta leik. Steinunn Erna kemur í markið í stað Aldísar og þá koma einnig inn í liðið Mackenzie, Nia, Birna Kristín og Hafrún Birna. Á bekkinn setjast Helena, Andrea Rán og Jónína, Ída marín er svo farin til Hammarby.

Þetta er síðasti leikur þeirra áður en þær mæta liði Apollon frá Kýpur í Evrópubikarnum á miðvikudaginn nk. því kannski eðlilegt að verið sé að hvíla leikmenn og gefa öðrum séns.

Víkingur R.
Einar gerir einnig 2x breytingar á sínu liði frá 0-3 tapi gegn Þór/KA í síðustu umferð. Inn í liðið kemur Emma og Arna Ísold en úr liðinu fara Selma Dögg og Jóhanna Elín

Valgerður Ósk Valsdóttir, leikmaður Hauka, spáir í leikina sem framundan eru.


FH 1 - 0 Víkingur R.
Lokaður leikur allan tímann og FH konur sakna strax Ídu í sóknarleik sínum. Mögulega nokkrir leikmenn hvíldir hjá FH fyrir evrópuleikinn í næstu viku en Elín Björg full af orku ræður úrslitum og skorar sigurmark FH seint í leiknum og lokaniðurstaðan 1-0.

Liðin mættust 13. júní sl. þar sem FH fór með 2-5 sigur af hólmi.

Freyja Stefánsdóttir skoraði þá fyrsta mark leiksins fyrir Víkinga en Nia og Ingibjörg sáu til þess að FH færi með 1-2 forystu inn í hálfleik.
Í seinni hálfleik juku Deja og Thelma Lóa við forystu FH áður en Jóhanna Elín minkaði muninn í 2-4. Andrea Rán hins vegar rak smiðshöggið með fimmta marki FH þegar tíu mínútur voru til leiks loka.

Víkingskonur róa lífróður þessa dagana en þær sitja á botni deildarinnar með 11 stig. Tveimur stigum á eftir Val í 9. sætinu og fimm stigum á eftir Fram í 8. sætinu.

Liðið hefur unnið þrjá leiki og var það í byrjun sumars, gegn Stjörnunni, Fram og kom síðasti sigurleikurinn gegn Þór/KA þann 30. maí sl. frá þeim tíma hafa þær náð í tvö jafntefli, 1-1 gegn Grindavík/njarðvík í júní og svo gegn Þrótti í lok júlí.

Þær mættu Þór/KA í síðustu umferð þar sem þær steinlágu 0-3 á eigin heimavelli. Nú mæta þær FH liðinu sem tapaði illa í síðasta leik og það er spurning hvort Víkingskonur geti notfært sér það.

Það er stutt á milli í fallbaráttunni og hvert stig og/eða mark skorað og fengið á sig getur skipt sköpum þegar búið er að telja öll stigin upp úr pokanum!

FH konur sitja fyrir þennan leik í 2. sætinu með 33 stig, þremur stigum minna en Breiðablik sem tapaði stigum í gær. FH á því aftur séns á því að komast á toppinn ef þær vinna í dag.

FH konur lutu heldur betur í lægra haldi fyrir einmitt Breiðablik 0-3 í síðasta leik sem þó var frestaður leikur úr 15. umferðinni. Þar sá FH liðið lítið til sólar og var ólíkt sjálfu sér en þetta var fyrsti leikur þeirra í sumar þar sem þær náðu ekki að skora.

Eftir leikinn kom svo í ljós að besti leikmaður liðsins, Ída Marín Hermannsdóttir er farin til Hammarby og skilur eftir sig stórt skarð. Það er því spurning hvernig FH liðið mætir til leiks í dag? örlítið brotnar eftir síðasta leik og nýjustu tíðindi eða mæta þær dýrvitlausar? Guð hjálpi Víkingum ef sá háttur er á þeim!

Á flautunni í kvöld verður Ásmundur Þór Sveinsson og honum til halds og trausts verða Óliver Thanh Tung Vú og Pálmi Víðir Bjarnason aðstoðardómarar.

Fjórði dómari er Elmar Svavarsson og eftirlitsmaður í kvöld er Sigursteinn Árni Brynjólfsson.

Verið hjartanlega velkomin í þessa textalýsingu þráðbeint frá Kaplakrikavellinum þar sem FH tekur á móti Víking R. í 17. umferð Bestu deildarinnar.

Leikurinn hefst á slaginu 18:00!