Elíza Gígja Ómarsdóttir @fotboltinet

- Meðalaldur 27 ár

- Meðalaldur 24 ár

Hvað réði úrslitum? Víkingarnir voru góðir í dag og Valsarar héldu bara ekki í við þá. Þrátt fyrir að það hafi verið markalaust eftir fyrri hálfleikinn voru Víkingar betri aðilinn en Valsarar náðu þó að skapa sér stöður en lítið af dauðafærum. Víkingar komu svo beittari út í þann seinni og þá var þetta aldrei spurning. Ótrúlegur munur svo á skiptingum sem liðin gátu gert og eftir að Víkingarnir náðu inn fyrsta markinu í byrjun seinni var þetta aldrei spurning. Bestu leikmenn 1. Gunnar Vatnhamar (Víkingur R.) Spilaði eins og kóngur í ríki sínu í dag í sínum loka leik í Víkinni. Þvílíkur leikmaður sem hann er og hefur reynst þessu liði mikill happafengur. Risastórt skarð sem hann skilur eftir sig og það verður áhugavert að sjá hvernig Víkingarnir tækla það. Kveður þessa deild sem einn albesti leikmaður hennar og erfitt að tala um mann í manns stað í þessu tilfelli. 2. Hrannar Snær Magnússon (Víkingur R.) Spilaði vel í dag og lagði upp tvö mörk í sínum fyrsta byrjunarliðsleik hjá Víking. Ótrúlegur kraftur sem fylgir honum sem er einmitt það sem Víkinga vantaði á þessum tímapunkti. Fleiri leikmenn sem spiluðu vel í dag og gerðu tilkall en Stígur Diljan og Valdimar Þór voru báðir góðir í dag sem dæmi. Atvikið Fyrsta mark Víkinga fór langt með að klára þennan leik, maður hafði það allavega aldrei á tilfinningunni að Valsarar myndu fá eitthvað út úr þessum leik eftir það. Voru búnir að vera ofan á í fyrri hálfleik án þess að ná að skila boltanum í markið en setja strax tóninn í seinni með marki á 49. og klára þetta fagmannlega eftir það.

Hvað þýða úrslitin? Víkingar halda KR og Fram í góðri fjarlægð frá sér og fara í 51 stig og eru nokkuð þægilegir á toppnum eins og sakir standa. Næsti leikur í deildinni er einmitt gegn KR en sigur þar gæti farið ansi langt með að klára þetta. Valsarar eru heldur betur í holu og sitja í 8. sæti deildarinnar þegar tvær umferðir eru eftir af mótinu áður en tvískipting hefst. Þeir eiga Keflavík og ÍA í þessum tveimur leikjum sem eru lið sem eru að berjast um þessi tvö síðustu sæti í efri hlutann við þá en það verður algjör skandall fyrir Knattspyrnufélagið Val að spila í neðri hlutanum, það held ég að sé óumdeilt. Vondur dagur Tryggvi Hrafn Haraldsson og Jónatan Ingi Jónsson, sem tveir allra bestu menn þessa Valsliðs, gerðu afskaplega lítið í dag. Voru báðir hálfvanstilltir fannst mér og áttu misheppnaðar sendingar þegar þeir voru komnir í góðar stöður. Ragir við að keyra á mennina sína og sneru við þegar þeir voru búnir að skilja varnarmenn Víkings eftir sem dæmi. Ef að Valur ætlar að klára þetta tímabil með sæmd að þá verða þessir tveir að draga vagninn sem þeir náðu ekki að gera í dag. Dómarinn - 6 Mér fannst ÞÞÞ fínn í dag en ákvarðanir inn á milli sem voru skrýtnar. Þrátt fyrir að hafa gefið Valsmönnum fimm gul spjöld fannst mér hann sleppa þeim vel á köflum og var stundum ekkert að dæma brot á eitthvað sem mögulega verðskuldaði hreinlega spjald. Hörður Ingi var til dæmis stálheppinn að fá ekki sitt annað gula spjald eftir brot á Hrannari sem ÞÞÞ flautaði ekki einu sinni á en það skipti vissulega ekki sköpum í dag.

- Meðalaldur 26 ár

- Meðalaldur 20 ár