Elíza Gígja Ómarsdóttir @fotboltinet

- Meðalaldur 27 ár

- Meðalaldur 21 ár

Hvað réði úrslitum? Framarar nýttu þá kafla þar sem þeir voru ofan á betur en Blikarnir. Klára fyrri hálfleikinn í 1-4 og það reyndist of mikið fyrir Blikana til að vinna upp í seinni hálfleik. Blikarnir voru svo nálægt því að jafna en allt kom fyrir ekki og stigin þrjú fara í Dal draumanna. Bestu leikmenn 1. Róbert Hauksson (Fram) Hélt uppteknum hætti frá síðasta leik og spilaði feyki vel. Setti mark gegn einhverjum öðrum en Stjörnunni þegar hann jafnaði í 1-1, og var svo aftur á ferðinni tveim mínútum seinna þegar hann lagði upp á Harald Einar. 2. Viktor Freyr Sigurðsson (Fram) Það er kannski furðulegt að velja markmann sem fær á sig þrjú mörk en Viktor sá til þess að Framararnir færu heim með þrjú stig í dag. Blikarnir ógnuðu endalaust í stöðunni 3-4 en Viktor átti nokkrar mjög góðar vörslur og var stór ástæða fyrir því að Framarar hafi náð að sigla þessu heim. Atvikið Fram skora tvö mörk á tveggja mínútna kafla og komast í 1-2. Þeir hömruðu svo járnið meðan það var heitt og settu tvö í viðbót. Það dugði að lokum þrátt fyrir að Fram hafi gert hvað þeir gátu til að gefa frá sér stigin í seinni hálfleik.

Hvað þýða úrslitin? Framarar halda í við KR en eru í sætinu fyrir neðan þá á markatölu. Blikarnir sitja sem fastast í 4. sæti en liðin fyrir neðan þá eru heldur betur byrjuð að anda ofan í hálsmálið á þeim. Blikarnir eru með 30 stig eftir þessa 20. umferð á meðan Keflavík, sem eru í 5. sætinu eru með 28 stig. Vondur dagur Allt Blikaliðið í fyrri hálfleik. Voru búnir að grafa sig ofan holu, sem þeir voru vissulega nálægt því að koma sér upp úr, en á endanum reyndist holan of djúp. Ólafur Ingi Skúlason kjarnaði þetta vel í viðtali eftir leik þegar hann talaði um að þeir hefðu spilað leikinn upp í hendurnar á Fram sem var hárrétt. Dómarinn - 7 Mér fannst Jóhann og hans teymi bara komast vel frá þessu í dag. Báðar hliðar stúkunnar voru fúkillar út í tríóið en það var nú lítil innistæða fyrir því held ég. Eitthvað talað um að Davíð Ingvars hefði átt að fá rautt spjald í fyrri hálfleiknum. Ég hef ekki séð atvikið aftur og í fyrstu sýn virtist gult rétt niðurstaða og sú staðreynd að Rúnar og Framararnir virtust ekki einu sinni vita af þessu finnst mér líklegt að Jóhann hafi tekið rétta ákvörðun.

- Meðalaldur 26 ár

- Meðalaldur 25 ár