Arngrímur Alex Ísberg Birgisson @fotboltinet

- Meðalaldur 24 ár

- Meðalaldur 22 ár

Hvað réði úrslitum? Heilt yfir var leikurinn rólegur og lítið að gerast. Leikurinn lifnaði við á síðustu tíu mínútunum, en þá fengum við þrjú mörk og sláarskot. Tölfræðilega séð hefðu bæði lið getað unnið, en það er bara ein tölfræði sem skiptir máli. Bestu leikmenn 1. Theodór Ingi Óskarsson (Fylkir) Kom með tvær stoðsendingar í dag og var nálægt því að skora. Fyrir utan það var hann alltaf hættulegur og bakvörðurinn átti í miklum vandræðum með hann í dag. Ótrúlegur kraftur og hraði á kantinum og hann hefði getað verið með fleiri stoðsendingar í dag. 2. Bjarki Steinsen Arnarsson (Fylkir) Hægri kanturinn hjá Fylki var að gera góða hluti í dag. Bjarki átti stóran þátt í fyrsta marki Fylkis. Hann var fljótur að hugsa og kom boltanum hratt áfram á Theodór, sem komst inn í teiginn og úr því varð mark. Hann var öruggur í sínum aðgerðum og gerði margt mjög vel. Hann gat lítið gert í markinu. Atvikið Þegar Björgvin Brimi jafnar kemur loksins líf í leikinn. Leikurinn hafði verið mjög rólegur og leit út fyrir að hann myndi enda 1-0. Gestirnir voru líklegri til að taka þetta, en Fylkismenn refsuðu þeim.

Hvað þýða úrslitin? Það er staðfest að Grótta haldi sér í Lengjudeildinni, en þeir komast ekki í umspilið. Fylkir er í þriðja sæti og á einn leik eftir. Næsti leikur er gegn HK og sá sem vinnur þann leik tekur mögulega annað eða þriðja sætið, ef Þróttur misstígur sig. Vondur dagur Vissulega skoraði hann, en Hlynur Sævar var í veseni í dag. Hann átti nokkrar slakar sendingar til baka og var stundum að láta leikmenn Gróttu yfirbuga sig. Hann var nýkominn úr leikbanni og spilaði eins og hann væri að passa sig á því að fá ekki gult spjald og fara þar með í annað leikbann. Dómarinn - 6 Dómarinn var stundum of lengi að dæma og virtist vera of lengi að hugsa sig um. Það er líka stórt spurningamerki þegar aðstoðardómarinn sér ekki augljósa hluti, eins og hver á að fá innkast.

- Meðalaldur 24 ár

- Meðalaldur 19 ár