Magnús Atlason @fotboltinet

- Meðalaldur 26 ár

- Meðalaldur 25 ár

Hvað réði úrslitum? Það sem réði úrslitum í dag var líklega vilji KA til þess að fá eitthvað út úr þessum leik. Framarar settu mikla pressu á gestina undir lok leiks en KA menn hentu sér fyrir skot og það var erfitt að brjóta þá. Bestu leikmenn 1. Kristófer Konráðsson (Fram) Jafnaði metin með svakalegu marki og skapaði vandræði fyrir vörn KA í dag. Hann gerði það sem þurfti að gera til þess að koma boltanum í netið gegn þéttri KA vörn. 2. Adam Ægir Pálsson (KA) Það hlaut að koma að því. Skoraði loksins fyrsta mark sitt fyrir KA eftir svakalegan sprett frá eigin vallarhelmingi, á milli tveggja KA manna. Hann kom sér og liðinu oft í fínar stöður. Atvikið Markið hjá Kristófer, aldrei spurning. Þvílíka neglan og mikilvægi marksins gerir það enn betra.

Hvað þýða úrslitin? Fram lyftir sér upp í annað sætið en missir af möguleika til þess að setja pressu á Víking á toppnum. KA sækir dýrmætt stig gegn sterku liði. Þeir sitja samt enn á botninum en ekki nema stigi frá öruggu sæti. Pakkinn er þéttur og það er von á æsispennandi fallbaráttu. Vondur dagur Ætli ég klíni þessu ekki á þann sem sér um hornspyrnurnar hjá Fram. Fengu fleiri en 10 hornspyrnur og tvær þeirra enduðu í þeirra eigin marki. Þeir sköpuðu sér ekkert úr hornspyrnunum og voru skildir eftir í rykinu í skyndisóknum KA í kjölfarið. Dómarinn - 6 Gunnar bara flottur í dag. Mér fannst hann stundum mega dæma oftar en línan var há og hann hélt sér ágætlega við hana.

- Meðalaldur 25 ár

- Meðalaldur 24 ár