Grealish ekki enn laus úr skammarkróknum

Jack Grealish er enn í agabanni og verður ekki með Everton gegn Coventry í ensku úrvalsdeildinni á morgun. David Moyes, stjóri Everton, hefur staðfest þetta.

Grealish hefur verið í skammarkróknum síðustu tvo leiki sem báðir voru gegn Newcastle, fyrst í deildabikarnum í síðustu viku og svo í deildinni á mánudaginn.

Ástæðan er sú að hann fór á tveggja daga fyllerí og mætti ekki á æfingu. Grealish. sem er 31 árs, er þekktur grallaraspói og hefur oft komist á síður blaðanna fyrir drykkju og djamm.