„Er ekki með bling um hálsinn eða tattú um allan líkamann“

„Já, ég get vel tekið undir það. Ég held að hann sé ekki að keyra um á Mercedes Benz. Hann er ekki með bling um hálsinn eða húðflúr um allan líkamann, ekki að það sé neitt að því, en hann lætur bara verkin tala á vellinum," segir Arnar.

Hann segir að Daníel sýni alltaf mikinn stöðugleika í frammistöðu og standi alltaf fyrir sínyu.

„Hann er grjótharður náungi og mjög. Hann er aldrei með tvist og níur, heldur með níur og svo sjöur. Lélegi leikurinn hans er sjö og það er gulls ígildi, sérstaklega hjá varnarmanni."

Daníel Leó er 31 árs og spilar fyrir AGF í Danmörku. Hann á 36 landsleiki fyrir Ísland og er orðinn algjör lykilmaður í liðinu. Ísland mætir Lúxemborg í síðasta leik sínum í riðlakeppni C-deildar Þjóðadeildarinnar klukkan 17 á morgun á Laugardalsvelli. Þar getur Ísland innsiglað sigur í riðlinum og komist beint upp í B-deildina að nýju.