Í hádeginu er stórleikur í ensku úrvalsdeildinni þegar Jose Mourinho, stjóri Tottenham, fer á sinn gamla heimavöll, Stamford Bridge, og mætir Chelsea. Ekki er hægt að búast við því að Mourinho fái góðar móttökur eftir að hafa tekið við nágrönnum Chelsea í Tottenham fyrr á þessu tímabili.
Þetta er mikilvægur leikur í Meistaradeildarbaráttunni. Chelsea er í fjórða sæti með einu stigi meira en Tottenham sem er í fimmta sætinu.
Chelsea tapaði 2-0 gegn Manchester United síðasta mánudagskvöld. Frá þeim leik gerir Frank Lampard fjórar breytingar. Hann fer í fimm manna vörn og inn í liðið koma Marcos Alonso, Ross Barkley, Mason Mount og Olivier Giroud. Út fara N'Golo Kante og öll sóknarlínan úr leiknum gegn United; Pedro, Willan og Batshuayi.
Willy Caballero heldur stöðu sinni á milli stanganna og er Kepa enn á bekknum.
Tottenham tapaði 1-0 gegn RB Leipzig í Meistaradeildinni í vikunni. Frá þeim leik gerir Mourinho þrjár breytingar. Tanganga, Vertonghen og Ndombele koma inn í byrjunarliðið fyrir Aurier, Gedson Fernandes og Dele Alli. Sá síðastnefndi var mjög reiður er hann var tekinn af velli gegn Leipzig í vikunni. „Ég held að hann hafi verið reiður yfir frammistöðu sinni en ekki út í mig," sagði Mourinho eftir leikinn gegn Leipzig.
Útlit er fyrir að Mourinho stilli upp í fimm manna vörn eins og fyrrum leikmaður hans, Lampard, gerir.
Hér að neðan má sjá bæði byrjunarlið
Byrjunarlið Chelsea: Caballero, James, Azpilicueta, Rudiger, Christensen, Alonso, Jorginho, Kovacic, Barkley, Mount, Giroud.
(Varamenn: Arrizabalaga, Abraham, Willian, Loftus-Cheek, Zouma, Emerson, Gilmour)
Byrjunarlið Tottenham: Lloris, Tanganga, Alderweireld, Vertonghen, Sanchez, Davies, Ndombele, Winks, Lo Celso, Bergwijn, Moura.
(Varamenn: Gazzaniga, Lamela, Dier, Sessegnon, Alli, Aurier, Fernandes)
Sjá einnig:
Eitt besta afrek Mourinho ef Tottenham nær topp fjórum
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Brentford | 37 | 14 | 10 | 13 | 54 | 51 | +3 | 52 |
| 9 | Sunderland | 37 | 13 | 12 | 12 | 40 | 47 | -7 | 51 |
| 10 | Chelsea | 36 | 13 | 10 | 13 | 55 | 49 | +6 | 49 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
