Jose Mourinho, stjóri Tottenham, segir að það yrði sitt besta afrek ef hann nær að koma Tottenham í Meistaradeildina á þessu tímabili.
Tottenham er í meiðslavandræðum framarlega á vellinum. Bæði Harry Kane og Son Heung-min eru frá vegna meiðsla.
Mourinho sagði áður að það að ná öðru sæti í ensku úrvalsdeildinni með Manchester United væri eitt af hans bestu afrekum, en að ná Meistaradeildarsæti með Tottenham myndi mögulega toppa það.
„Já, undir þessum kringumstæðum," sagði Mourinho. „Það yrði eitthvað ótrúlegt við það að vera á meðal fjögurra efstu liðanna án Harry og Sonny."
Tvöfaldi Meistaradeildarsigurvegarinn Mourinho fer aftur á gamlan heimavöll, Stamford Bridge, í dag þegar Tottenham sækir Chelsea heim. Leikurinn hefst klukkan 12:30 og er mikilvægur í Meistaradeildarbaráttunni.
Athugasemdir