| mán 27.sep 2021 15:45 Mynd: Fótbolti.net - Hafliði Breiðfjörð |
|
Úrvalslið Pepsi Max-deildarinnar 2021
Fótbolti.net opinberaði í Innkastinu í dag úrvalslið ársins í Pepsi Max-deild karla en það má sjá hér að neðan. Liðið var opinberað í Innkastinu. Þetta er ellefta árið í röð sem Fótbolti.net velur lið ársins í deildinni.
Pablo Punyed er í liði ársins.
Höskuldur Gunnlaugsson er fyrirliði Breiðabliks.
Hallgrímur Mar Steingrímsson.
Nikolaj Hansen er markakóngur deildarinnar.
Innkastið - Lokahóf eftir magnað tímabil
Ingvar Jónsson - Víkingur
Þrátt fyrir að hafa aðeins spilað sjö leiki í deildinni þá er Ingvar í liði ársins. Hann var gríðarlega mikilvægur fyrir liðið í lokin og á stóran þátt í Íslandsmeistarabikarnum. Þórður Ingason stóð sig einnig fantavel áður en Ingvar var settur í rammann að nýju.
Höskuldur Gunnlaugsson - Breiðablik
Fyrirliði Breiðabliks er farinn að finna sig afskaplega vel í hægri bakvarðarstöðunni og átti magnað sumar.
Kári Árnason - Víkingur
Kári var algjör lykilmaður í Íslandmeistaratitli Víkinga. Þessi mikli leiðtogi er að leggja skóna á hilluna og hans skarð verður erfitt að fylla hjá Víkingum.
Damir Muminovic - Breiðablik
Damir sýndi sínar bestu hliðar í vörn Breiðabliks sumar. Mættur aftur í lið ársins eftir að hafa verið í því bæði 2015 og 2016.
Atli Barkarson - Víkingur
Hefur tekið miklum framförum í Fossvoginum. Skoraði draumamark í sigrinum mikilvæga gegn KR og hefur á heildina átt þrusugott tímabil.
Pablo Punyed - Víkingur
Víkingar gerðu hrikalega vel í því að krækja í Pablo Punyed. Klárlega einn besti maður mótsins og var einmitt leikmaðurinn sem liðið þurfti. Hann hefur áður orðið Íslandsmeistari með KR og Stjörnunni og unnið bikarinn með ÍBV.
Viktor Karl Einarsson - Breiðablik
Sýndi gæði sín trekk í trekk í sumar og ef Blikar hefðu náð að landa titlinum hefði hann gert sterkt tilkall í að vera leikmaður mótsins.
Hallgrímur Mar Steingrímsson - KA
KA var í Evrópubaráttu allt til loka tímabils og Hallgrímur Mar Steingrímsson var í aðalhlutverki fyrir norðan eins og oft áður. Skoraði ellefu mörk.
Árni Vilhjálmsson - Breiðablik
Árni skoraði einnig ellefu mörk og var algjör lykilmaður í sóknarleik Breiðabliks en Kópavogsliðið skoraði flest mörk allra liða í deildinni.
Sævar Atli Magnússon - Leiknir
Skoraði tíu mörk í þrettán leikjum fyrir nýliða Leiknis. Fór um mitt tímabil í atvinnumennsku í Danmörku en mörkin hans sáu til þess að Leiknismenn voru aldrei í alvöru fallbaráttu.
Nikolaj Hansen - Víkingur
Markahæstur í deildinni með sextán mörk. Danski sóknarmaðurinn sprakk algjörlega út í sumar og gerði varnarmönnum deildarinnar lífið leitt.
Varamannabekkur:
Steinþór Már Auðunsson - KA
Arnór Sveinn Aðalsteinsson - KR
Dusan Brkovic - KA
Sölvi Geir Ottesen - Víkingur
Davíð Ingvarsson - Breiðablik
Júlíus Magnússon - Víkingur
Kristinn Steindórsson - Breiðablik
Sjá einnig:
Lið ársins 2020
Lið ársins 2019
Lið ársins 2018
Lið ársins 2017
Lið ársins 2016
Lið ársins 2015
Lið ársins 2014
Lið ársins 2013
Lið ársins 2012
Lið ársins 2011
Athugasemdir
