Siggi Höskulds: Alltaf dreymt um að þjálfa Blika

Vísir ræddi við Sigga Höskulds sem sagði að Breiðablik hafi ekki haft samband við sig en hann sagði þó að draumurinn væri að þjálfa Breiðablik einn daginn.

„Ég er náttúrulega uppalinn Bliki og mig hefur alltaf dreymt um að þjálfa Blika. En ég held að það sé enginn áhugi af þeirra hálfu um það. Þess utan er ég bara mjög ánægður þar sem ég er hjá Þór og spenntur fyrir því að komast aftur af stað fyrir næsta tímabil,“ sagði Sigurður í samtali við Vísi.

Þórsarar héldu sér uppi í Bestu deildinni með sigri á FH um síðustu helgi í lokaumferð deildarinnar. Sigurður hefur stýrt liðinu síðustu þrjú tímabil en þar áður var hann aðstoðarþjálfari Vals og aðalþjálfari Leiknis.

Arnar talinn líklegastur
Veðbankinn Epicbet telur líklegast að Arnar Grétarsson taki við starfinu en stuðullinn á honum hefur lækkað úr 4.00 í gær og er nú í 3.00.

Næstur þar á eftir er Jökull Elísabetarson með 4.50 í stuðul og er hann óbreyttur frá gærdeginum.

Sigurður hefur hækkað um 4.5 í stuðul frá því í gær, úr 7.50 yfir í 12.00.

Mér finnst galið ef Blikar tékka ekki á stöðunni á Sigga Höskulds þegar þeir ráða næsta þjálfara. Gæinn er búinn að halda Leikni og Þór í Efstu deild. Væri hrikalega gaman að sjá hann með jafn stórt lið og Breiðablik er. Svo er hann uppalinn Bliki. #fotboltinet

— Valur Gunnarsson (@valurgunn) October 27, 2026