„Ég var virkilega ánægð með að við náðum að nýta okkur meðvindinn í fyrri hálfleik og ná þessu mikilvæga fyrsta marki. Í seinni hálfleik náðum við að halda spilinu með grasinu og láta boltann ganga vel á milli manna og vera með ógnandi skyndisóknir," sagði Svava aðspurð út í það, hvað hún væri ánægðust með í leiknum gegn Val.

Eftir tap gegn Þór/KA í 2. umferð var mikilvægt fyrir Breiðablik að koma til baka og vinna Val á heimavelli.

„Það var virkilega mikilvægt að taka 3 stig í þessu einvígi til að missa ekki Þór/KA of langt framúr okkur og einnig uppá framhaldið og liðsandann," sagði Svava sem er ánægð með byrjunina á Pepsi-deildinni í ár.

„Það er spilað þétt fram að EM og það er bæði krefjandi og spennandi. Deildin verður að ég held jafnari í ár en áður og líklegt að úrslitin verði ekki ljós fyrr en í lokaumferðunum."

Það styttist í að EM hópurinn verður tilkynntur og vonar Svava Rós að sjálfsögðu um að vera í þeim hóp. „Stefnan er sett á lokahópinn og ég mun halda áfram að leggja hart að mér til að komast til Hollands."

Domino's gefur verðlaun
Leikmaður umferðarinnar í Pepsi-deild kvenna í sumar fær pizzuveislu frá Domino's.

„Ætli það verði ekki bara Champion sem verður fyrir valinu," sagði Svava Rós Guðmundsdóttir leikmaður 3. umferðar í Pepsi-deild kvenna aðspurð hvaða pizza verður fyrir valinu.

SJá einnig:
Leikmaður 2. umferðar - Sandra Mayor Gutierrez (Þór/KA)
Leikmaður 1. umferðar - Katrín Ásbjörnsdóttir (Stjarnan)