Þróttur hefur einnig fengið Arnar Darra Pétursson, Aron Þórð Albertsson, Brynjar Jónasson, Emil Atlason, Sebastian Svard til liðs við sig í vetur en á móti hefur liðið einnig misst leikmenn sem spiluðu stórt hlutverk í 1. deildinni í fyrra.

Þróttarar unnu ekki leik í Fótbolta.net mótinu og Reykjavíkurmótinu í janúar en stefnan er á að styrkja hópinn fyrir sumarið.

„Við þurfum augljóslega að bæta töluvert við okkur til að taka þátt í baráttunni í sumar. Það er mikill metnaður að gera sem best og við munum reyna að halda áfram að bæta við góðum leikmönnum," sagði Þórir Hákonarson íþróttastjóri Þróttar

„Við munum halda áfram að fylla í þau skörð sem þjálfarinn telur að þurfi að fylla í og fá sterka leikmenn sem geta hjálpað Þrótti að vera áfram í sterkustu deildinni á Íslandi."