Hallur Hallsson, fyrirliði toppliðs Þróttar R., var sáttur með sigur á botnliði Gróttu í kvöld.
Þróttarar stjórnuðu leiknum gegn Gróttu en náðu ekki að skapa sér mikið af færum og hefði Hallur viljað sjá stærri sigur.
Þróttarar stjórnuðu leiknum gegn Gróttu en náðu ekki að skapa sér mikið af færum og hefði Hallur viljað sjá stærri sigur.
Lestu um leikinn: Þróttur R. 1 - 0 Grótta
„Þetta spilaðist alveg eins og við bjuggumst við, það er mjög erfitt að brjóta þá til baka þar sem þeir eru með ellefu menn í vörn," sagði Hallur eftir leikinn.
„Við náðum að setja mark á þá snemma og mér fannst við ekki nýta það nógu vel.
„Við vorum mikið að senda á milli í vörninni og taka svo einhverja þrusu í hornið, það er bara svona happa glappa, þetta var ekkert markvisst spil."
Þróttarar eru í góðri stöðu á toppi deildarinnar með níu sigra eftir tíu umferðir.
„Við tökum þessi þrjú stig með glöðu geði. Þessir tíu leikir hafa verið pínu bras, svosem erfitt að kvarta með níu sigra en við þurfum að fara að finna fótboltalegu hliðina á þessu aftur."
Athugasemdir