Víkingar fengu á sig mark í blálokin gegn Stjörnunni í kvöld og þurftu að sætta sig við jafntefli. Logi Ólafsson þjálfari gerir sér þó grein fyrir því að stigið gæti reynst dýrmætt þegar upp er staðið en Víkingar voru komnir ansi nálægt fallpakkanum.
Lestu um leikinn: Víkingur R. 2 - 2 Stjarnan
„Við gátum búist við því að eitthvað myndi ganga á því við gerðum þau mistök að falla of aftarlega. Að öðru leyti var þetta hetjuleg barátta," segir Logi.
Haraldur Björnsson, markvörður Stjörnunnar, vildi meina að brotið hafi verið á sér þegar Víkingar komust í 2-1. Logi sá ekki hvað gekk á þar.
„Ég sá bara þegar hann missti boltann... hvort að eitthvað hafi gerst veit ég ekki."
Um stigið sem Víkingur fær:
„Það þarf ekki töluglöggann mann til að sjá að ekki þarf mikið að gerast. Það eru fjórir leikir eftir og ef liðin fyrir neðan fara að vinna leiki meðan við gerum það ekki þá sogumst við ofan í þetta. Þegar öllu er á botninn hvolft gæti þetta stig reynst okkur dýrmætt."
Sjáðu viðtalið í heild í sjónvarpinu hér að ofan.
Athugasemdir