Atli Sigurjónsson, leikmaður Þórs á Akureyri, var svekktur eftir markalaust jafntefli liðsins gegn ÍR í Inkasso-deild karla í kvöld.
Lestu um leikinn: Þór 0 - 0 ÍR
Atli gekk aftur til liðs við Þór á dögunum en nú á láni frá KR. Hann leikur með liðinu út tímabilið.
„Það er mjög góð tilfinning að koma hérna heima og fara í Þórstreyjuna. Úrslitin og spilamennskan hefði mátt vera betri," sagði Atli við Fótbolta.net.
„Ömurlegt bara. Úrslitin voru ömurleg og eitt stig gerir lítið fyrir okkur og sýndum alls ekki góðan leik og áttum ekki skilið neitt úr þessu."
ÍR-ingar voru öflugir varnarlega og gáfu fá færi á sér en Þór fékk þó nokkur færi sem hefðu getað verið nýtt betur.
„Þeir voru þéttir og skipulagðir og gáfu ekki mörg færi á sér. Við náðum ekki að brjóta þá í gegn, þetta var basl," sagði hann ennfremur.
Hægt er að sjá viðtalið í heild sinni hér fyrir ofan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir