Lukaku hefur skorað átta mörk í ensku úrvalsdeildinni á þessu tímabili en stærstur hluti þeirra kom milli ágúst og október. Síðasta mark sem hann skoraði fyrir United í deildinni kom í 4-1 sigri gegn Newcastle.

Þolinmæðin er að verða á þrotum samkvæmt Shearer.

Lukaku gerði mistök í aðdraganda beggja marka City í leiknum á Old Trafford.

„Enginn var að efast fyrr á tímabilinu þegar Lukaku var búinn að skora ellefu mörk í fyrstu tíu leikjunum. Þá var enginn að efast um Mourinho og hvort hann hefði bætt Lukaku. Lukaku er ekki að gera nóg í leikjum til að réttlæta verðmiðann, mér þykir leiðinlegt að segja það," segir Shearer.

„Hann virðist vera að glíma við skort á sjálfstrausti, hann virðist alltaf vera sekúndum of seinn og þegar hann er búinn að taka ákvörðun er tækifærið farið."

Ederson varði frá Lukaku sem var í dauðafæri í leiknum í gær.

„Það eru svona færi sem skilja milli mjög góðra sóknarmanna og góðra sóknarmanna. Þegar þú færð svona færi þá verður þú að skila boltanum í netið. Ef ég myndi klúðra svona færi myndi ég ekki sofa í þrjá eða fjóra daga, eða þar til ég myndi skora aftur," segir Shearer.