Pedro telur að Fram hafi átt góðan leik í kvöld en liðið hafi byrjað leikinn hægt en fengið aukið sjálfstraust með fyrsta markinu sem þeir skoruðu. „Haukar fengu nokkur góð færi úr föstum leikatriðum og skorðuðu eitt mark úr föstu leikatriði og ég held að þeir hafi átt það skilið en við spiluðum heilt yfir betri fótbolta og verskulduðum sigurinn" sagði Pedro eftir leik.

Pedro fannst ekki athyglisvert að Tiago hafi ekki fagnað mörkunum sínum í kvöld. „Tiago fagnar mörkunum sínum alltaf á þennan hátt, ef þú skoðar öll mörk sem Tiago skorar þá gerir hann þetta alltaf." Tiago skoraði magnað mark í kvöld og Pedro var mjög sáttur með hans frammistöðu. „Frábært mark, Tiago er að mínu mati besti miðjumaður Inkasso deildarinnar. Hann hefur mikin karakter og er alltaf hungraður í meira."

Það er ekki markmið Fram að fara upp í Pepsi á þessu ári samkvæmt Pedro. „Við tökum þetta bara leik fyrir leik. Andstæðingar okkar eiga meiri möguleika að komast upp. Í dag höfðum við einungis 16 leikmenn til að velja úr. Á bekknum okkar vorum við með leikmenn sem spila vanalega með unglingaliðinu. Við viljum sjá framfarir og bæta okkur með hverjum leik en í hreinskilni sagt þá erum við ekki tilbúnir í Pepsi strax."
Viðtalið við Pedro í heild sinni má sjá í spilaranum hér fyrir ofan en andrúmsloftið var þungt í klefa Hauka eftir leikinn í kvöld og gáfu því þeir ekki færi á viðtali eftir leik.