„Það hefði verið gaman hefðum við getað strítt þeim aðeins lengur og skorað fleiri mörk. Mér fannst við eiga góðan leik," sagði Alfreð en Thibaut Courtois, markvörður Belga, kom í veg fyrir að Ísland næði að skora fleiri mörk.

„Það er engin tilviljun að hann er þar sem hann er í dag. Á annan markvörð hefðum við getað skorað tvö til þrjú mörk í viðbót. Við áttum flott upphlaup og sóknarleikurinn í góðu lagi."

„Við erum komnir á þann stall að við viljum alltaf vinna fótboltaleiki, þess vegna erum við ekki alveg 100% sáttir."

Alfreð spilar með Real Sociedad sem hefur farið illa af stað á Spáni en þjálfaraskipti hafa orðið hjá félaginu og er Skotinn David Moyes tekinn við stjórnartaumunum. Hvernig lýst Alfreð á það?

„Bara mjög vel. Ég þekki lítið til hans en það sem maður hefur heyrt er jákvætt. Ég er spenntur að vinna með honum. Við höfum verið að spila langt undir væntingum."

Viðtalið má sjá í heild hér að ofan.