,,Við sofnuðum í nokkrar sekúndur og þeir ná að pota honum inn," sagði Tómas Ingi Tómasson aðstoðarþjálfari íslenska U21 árs landsliðsins um markið sem Danir skoruðu í 1-1 jafntefli liðanna í kvöld.
Danir fóru áfram á útivallarmarki þrátt fyrir að íslenska hafi spilað gríðarlega þéttan varnarleik
,,Sóknarleikurinn hefði getað verið betri. Varnarleikurinn er fínn og við vorum ánægðir með hann. Við héldum boltanum ekki nógu vel og hefðum þurft að gera betur sóknarlega til að vinna einvígið."
Danir fóru áfram á útivallarmarki þrátt fyrir að íslenska hafi spilað gríðarlega þéttan varnarleik
,,Sóknarleikurinn hefði getað verið betri. Varnarleikurinn er fínn og við vorum ánægðir með hann. Við héldum boltanum ekki nógu vel og hefðum þurft að gera betur sóknarlega til að vinna einvígið."
Sumir hafa gagnrýnt varnarsinnað leikkerfi U21 árs landsliðsins í einvíginu en Tómas Ingi blæs á það.
,,Þetta er eina leiðin fyrir okkur að vinna Danmörk. Þeir eru klárlega með betra lið en við. Við þurfum að bregðast við á móti liðum sem eru betri en við og verjast vel. Það mega allir gagnrýna það sem við erum að gera en þessi árangur okkar er frábær."
Engar skiptingar voru gerðar í fyrri leiknum og í kvöld komu ekki varamenn inn á fyrr en í viðbótartíma. ,,Okkur fannst planið ganga ágætlega. Við ætluðum að halda þessu fram í framlengingu og gera þá skiptingar og skipta um taktík. Því miður náum því ekki."
Tómas Ingi segir ekki ljóst hvort hann og Eyjólfur Sverrisson muni halda áfram með U21 árs landsliðið í næstu undankeppni.
,,Það er yfirleitt tekin ákvörðun um það á nýju ári. Við höldum áfram fram að áramótum og svo kemur í ljós hvort við höldum áfram."
Hér að ofan má sjá viðtalið í heild sinni.
Athugasemdir