Manchester City er Englandsmeistari eftir að Manchester United tapaði fyrir botnliði West Brom á heimavelli í dag.

Um síðustu helgi kom Man Utd í veg fyrir það að nágrannarnir í City yrðu Englandsmeistarar með mögnuðum endurkomusigri á Eithad-vellinum. City hefði með sigri þar orðið meistari en ekkert varð úr því.

City vann Tottenham í gær og þurfti að treysta á það að West Brom myndi ná í góð úrslit gegn United. Kampavínið var væntanlega ekki komið á ís hjá City-mönnum þar sem gengi West Brom á þessu tímabili hefur verið algjörlega afleitt.