Heimild: mbl.is
Haraldur gæti komið aftur heim eftir nokkur ár í atvinnumennsku
Haraldur Björnsson, markvörður Lilleström í Noregi, segist spenntur fyrir því að snúa aftur heim til Íslands eftir fimm ár í atvinnumennsku. Þetta kemur fram í Morgunblaðinu í dag.
Hann segist hins vegar ekkert síður spenntur fyrir því að vera áfram hjá Lilleström, takist liðinu að halda sæti sínu í norsku úrvalsdeildinni. Þegar fjórar umferðir eru eftir er liðið í fallsæti, fjórum stigum frá alveg öruggu sæti, en aðeins einu stigi frá umspilssæti.
Hann segist hins vegar ekkert síður spenntur fyrir því að vera áfram hjá Lilleström, takist liðinu að halda sæti sínu í norsku úrvalsdeildinni. Þegar fjórar umferðir eru eftir er liðið í fallsæti, fjórum stigum frá alveg öruggu sæti, en aðeins einu stigi frá umspilssæti.
„Það er vilji hjá báðum aðilum til áframhaldandi samstarfs. Við erum hins vegar í erfiðri stöðu og fjárhagsstaða félagsins veltur á því hvort liðið heldur sér uppi. Ég er tilbúinn að koma til Íslands ef góður möguleiki býðst," segir Haraldur í samtali við Morgunblaðið í dag.
Haraldur hefur meðal annars verið orðaður við Stjörnuna, en þar á bæ eru menn í markvarðarleit. Líkur eru einnig á því að hann gæti farið í uppeldisfélag sitt, Val, ef að hann ákveður að koma aftur heim úr atvinnumennsku.
Athugasemdir
