Ísland tapaði fyrir Tékkum í undankeppni EM í kvöld. Theodór Elmar Bjarnason náði sér ekki á strik frekar en fleiri leikmenn íslenska liðsins.
Lestu um leikinn: Tékkland 2 - 1 Ísland
„Þetta er nánast óásættanlegt en við fáum tækifæri til að rétta úr kútnum. Þeir spiluðu allt of auðveldlega í gegnum okkur og sóknarlega vorum við lélegir á boltann. Við sköpuðum nánast ekkert úr opnu spili," sagði Elmar sem viðurkennir fúslega að hafa verið langt frá sínu besta.
„Þeir komu oft margir á mig en það skiptir ekki. Ég var oft mjög illa staðsettur. Þetta er í hópi slakari leikja sem ég hef spilað á mínum atvinnumannaferli. Ég á að geta lesið leikinn betur en þetta. Þetta er helvíti pirrandi."
Viðtalið má sjá í heild í spilaranum hér að ofan.
Athugasemdir