Átta liða úrslitum ensku bikarkeppninnar lýkur í dag en tveir leikir fóru fram í gær og tveir leikir eru á dagskrá í dag. Enginn leikur er í dag í ensku úrvalsdeildinni.
Fyrri leikur dagsins hefst klukkan 13:30 og fer fram á DW vellinum þar sem Wigan tekur á móti Southampton.
Wigan sló Manchester City eftirminnilega út í 16-liða úrslitum en Southampton sigraði á sama tíma botnlið ensku úrvalsdeildarinnar, West Brom.
Í síðari leik dagsins mætast tvö úrvalsdeildarlið á King Power vellinum í Leicester þar sem heimamenn mæta Chelsea, flautað verður til leiks klukkan 16:30.
Chelsea sigraði Hull City örugglega í 16-liða úrslitunum en Leicester City hafði betur gegn Sheffield United.
Sunnudagur 18. mars
13:30 Wigan - Southampton (Stöð 2 Sport)
16:30 Leicester City - Chelsea (Stöð 2 Sport)
Athugasemdir