,,Varnarmaðurinn stóri og stæðilegi lék lykilhlutverk í liði Þróttar á núliðnu tímabili en hann stóð vaktina í hjarta varnarinnar með stakri prýði og hefur vaxið með hverjum leiknum," segir á heimasíðu Þróttar.

,,Það er mikil ánægja innan félagsins að leikmaðurinn hafi framlengt samning sinn enda von allra hjá Þrótti að hann haldi áfram að bæta sig."

Síðasta sumar lék Hreinn 25 leiki fyrir Þrótt í deild og bikar og skoraði í þeim leikjum 2 mörk. Alls hefur Hreinn leikið 38 leiki fyrir félagið.