Þrálát meiðsli hafa herjað á Sturridge á undanförnum árum en hann hefur aðeins spilað þrjá leiki með Liverpool á þessu tímabili.

„Ég er heill og er klár í slaginn. Það verður frábært að komast aftur af stað," segir Sturridge.

Sturridge hefur ekki spilað síðan Jurgen Klopp tók við stjórnartaumunum á Anfield en honum líst vel á nýja knattspyrnustjórann.

„Nýi stjórinn er mjög spennandi. Ég hef verið að æfa með liðinu undanfarna daga og æfði líka þegar hann var nýkominn."

„Það eru spennandi tímar hjá félaginu núna og ég nýt þess að vinna með honum. Ég er hrifinn af hans sýn á fótbolta," sagði Sturridge.

Það er engu að síður talið ólíklegt að Klopp hendi Sturridge út í djúpu laugina á laugardag þegar liðið heimsækir Man City á laugardag.