Hvernig fannst þér leikurinn í dag?
"Þetta var svolítil þolinmæðisvinna í dag. Stelpurnar gerðu þetta vel sérstaklega, í seinni hálfleik. Mér fannst við ekki vera nógu góðar sendingarlega séð í fyrri hálfleik en bættum það. Mjög góður sigur hjá stelpunum."
Nú náðu þið litlum opnunum á KR vörninni þó svo að þið séuð meira með boltann. Náið svo inn allt í einu þremur mörkum. Hvað breyttist?
"Ég held að við höfum bætt okkur sendingarlega séð og pressum aðeins meira á þær og það skilar sér. Svo kemur Guðrún Karitas og skorar tvö mörk einn tveir og þrír. Svo er virkilega gaman að sjá Dóru Maríu aftur á vellinum"

Dóra María Lárusdóttir sneri aftur í lið Vals í kvöld en hún meiddist með landsliðinu á Algarve í fyrra.
Hversu miklu máli skiptir að vera búin að fá Dóru Maríu aftur í liðið?
"Þetta er einsog Messi í Argentínu eða Gylfa eða Aron í íslenska landsliðinu.
Nú kemur Guðrún Karitas inná og setur 2 mörk, hvað er hún eiginlega búin að vera brasa í fríinu?
"Hún er búin að æfa á fullu meðan aðrir eru búnir að vera út í heimi að spila landsleiki og hitt og þetta. Hún er búin að æfa vel"

1-0 fyrir ykkur, varstu aldrei stressaður um að KR myndi ná að pota inn marki?
"Auðvitað er þetta alltaf tæpt, en ég hafði alltaf á tilfinningunni að við myndum skora annað mark. Það kom svo."

Nánar er rætt við Pétur um framhaldið og fleira í spilaranum að ofan