Harpa Þorsteinsdóttir og Ingvar Jónsson, bæði úr Stjörnunni, voru valin bestu leikmenn Íslandsmótsins í fótbolta af leikmönnum deildarinnar en tilkynnt var um valið í höfuðstöðvum KSÍ um kvöldmatarleytið.
Efnilegust voru valin Guðrún Karítas Sigurðardóttir úr ÍA og Elías Már Ómarsson úr Keflavík en þetta var annað árið í röð sem efnilegasti leikmaðurinn kemur úr Keflavík.
Ólafur Þór Guðbjörnsson og Rúnar Páll Sigmundsson, báðir úr Stjörnunni, voru valdir bestu þjálfararnir.
Bríet Bragadóttir var valin besti dómarinn í Pepsi-deild kvenna en Kristinn Jakobsson í karlaflokki. Guðmunda Brynja Óladóttir Selfossi og Óskar Örn Hauksson KR fengu háttvísisverðaun.
Þá fengu Harpa og Gary Martin KR verðlaun fyrir markaskorun.
Athugasemdir