Tveir leikir fara fram í Álfukeppninni í dag en spilað er í A riðli.

Gestgjafarnir í Rússlandi taka á móti Evrópumeisturunum í Portúgal á Otkrytiye Arena í Moskvu. Fyrir leikinn eru Rússar einir efstir í riðlinum eftir sigur á Ný-Sjálendingum í opnunarleiknum á meðan Portúgal gerði jafntefli við Mexíkó í fyrstu umferðinni. Leikurinn hefst klukkan 15.

Það eru svo Mexíkó og Nýja-Sjáland sem mætast í seinni leik dagsins klukkan 18.